web counter
LEXO PA REKLAMA!

SHKARKO APP

App Store
Google Play

E fundit!

x

Ndeshja e “play off”, Struga mund të luajë në Shqipëri

14 Gusht 2023, 13:30, Sport CNA

Struga po shkruan historinë në Europë dhe është vetëm një jap larg fazës së “Play Off”. Kampionët e Maqedonisë së Veriut, arritën të fitonin me rezultatin 3-1 në ndeshjen e parë të turit të tretë ndaj luksemburgasve të Hesperange, teksa në ndeshjen e kthimit synojnë vetëm kualifikimin.

Në “Play Off”, skuadra e Duros mund të përballet me shumë gjasa me islandezët e Breidablik, të cilët në ndeshjen e parë janë mundur 6-2 ndaj Zrinjski. Por, problemi për fazën e fundit para grupeve mbetet vetëm stadiumi duke qenë se Maqedonia e Veriut nuk ka aktualisht një stadium që plotëson kushtet e UEFA-s për këtë fazë të Europës.

Në kushte të tilla, “Infosport.mk” raporton se Strugës i është propozuar nga UEFA që të luajë në Shqipëri. Në datën 24 gusht, Struga duhet të zbresë në fushë për “Play Off” nëse kualifikohet dhe të premten do të mbërrijnë në Maqedoni inspektorët e UEFA-s për të parë gjendjen e fushës së stadiumi kombëtar “Todor Proeski”.

Në rast se UEFA nuk e licencon këtë stadium, atëherë Struga do të duhet të largohet nga Maqedonia e Veriut dhe të luajë në “Elbasan Arena” ose në “Loro Boriçi”.





Lajmet e fundit nga