web counter
LEXO PA REKLAMA!

SHKARKO APP

App Store
Google Play

E fundit!

x

Moderatorja tifoze: Do të ishte një ëndërr, nëse një lojtar i Barcelonës do të vinte në emisionin tim për të folur për seksin…

1 Tetor 2022, 09:34, Sport CNA

Ares Teixidó po merr rolin e saj, si moderatore në "8TV". Katalanasja është në krye të 'Ares Revolution', një emision, ku flitet për seksin, që është në sezonin e tij të dytë. “E kisha planifikuar të krijoja një format të tillë prej kohësh”,- rrëfen ajo. “Është mirë që ka një program, që shpërndan informacione seksuale, sepse mungon edukata seksuale në të gjitha nivelet. Ne po bëjmë një punë të mirë dhe po arrijmë të flasim me shumë njerëz.”

Kompania televizive shpreh keqardhjen, që seksi është ende një temë tabu në shoqërinë spanjolle. Ares pretendon se e sheh Barcelonën “me sytë e babait”, i cili i jeton me shumë pasion ndeshjet e skuadrës "Blaugrana" dhe e ka jetuar me shumë entuziazëm rikthimin e Ksavi Hernandez në shtëpi. “Do të ishte një ëndërr nëse një lojtar i Barcelonës do të vinte në programin tim për të folur për marrëdhëniet njerëzore, ose seksin. Është një temë pezull, edhe pse e di që është e ndërlikuar, sepse do të thotë ta nxjerrësh nga ambienti i tij”,- shprehet ajo.

Si fëmijë, Ares tregon se i mbulonte dosjet e saj me fotografi të Luis Enrique. “Ai do të jetë gjithmonë dikush që ka një cep të vogël në zemrën time, sepse ishte dashuria ime e parë platonike në adoleshencë”,- deklaron ajo. “E kam takuar shumë herë në Castelldefels, jemi shoqëruar në të njëjtat vende, por nuk ia kam rrëfyer kurrë”.

Nga ana tjetër, prezantuesja pranon se “është shumë e rëndësishme që ka referenca femrash, si Alexia Putellas në të gjitha fushat. Ndjej një krenari maksimale për të gjitha vajzat”,- thotë ajo.





Lajmet e fundit nga