web counter
LEXO PA REKLAMA!

SHKARKO APP

App Store
Google Play

E fundit!

x

Miqësoret/ Milani bind ndaj City-t, Interi fiton me "tris"

28 Korrik 2024, 11:34, Sport CNA

Miqësoret/ Milani bind ndaj City-t, Interi fiton me "tris"

Milani bindi ndaj Manchester City-t, në miqësoren e zhvilluar në SHBA. Kuqezinjtë e drejtuar nga trajneri Paulo Fonseca triumfuan me rezultatin 3-2, por duhet theksuar se anglezët luajtën me thuajse gjysmën e ekipit jashtë.

Ishte një sfidë e bukur dhe me raste nga të dyja ekipet, ndërsa skuadra e Guardiolës kaloi e para në avantazh me Haaland.

Megjithatë, italianët reaguan mirë dhe barazuan shifrat me Colombo-n në minutën e 30-të. Sulmuesi shënoi me kokë, pas një krosimi të marrë nga Chukwueze.

Të njëjtët lojtarë ishin protagonistë edhe te goli i dytë për Milan-in, me Colombo-n që përmbysi rezultatin në favor të "djallit".

Pjesa e parë u mbyll me këtë rezultat, ndërsa fraksioni i dytë nisi me City-n më kërkues. Në minutën e 55-të, McAtee barazoi shifrat me kokë, pas një krosimi në të majtë nga Hamilton.

Në minutën e 78-të, pas një kundërsulmi Nasti realizoi golin e tretë dhe të fitores për Milanin. Paraqitje pozitive e kuqezinjve, që duket se kanë ndryshuar fytyrë me trajnerin e ri.

Nuk fali në miqësore as Interi, që triumfoi pastër me rezultatin 3-0 ndaj spanjollëve të Las Palmas. Vazhdon me formën shumë të mirë sulmuesi i afruar këtë verë, Mehdi Taremi.

Iraniani ishte autori i një dopiete, në fitoren e zikaltërve. Ish-lojtari i Portos zhbllokoi sfidën në minutën e 11-të me penallti, ndërsa në minutën e 37-të sërish Taremi që dyfishoi shifrat.

Edhe pjesa e dytë nuk kishte shumë histori, me Dimarcon që realizoi të tretin dhe vulosi takimin në 3-0.





Lajmet e fundit nga