web counter
LEXO PA REKLAMA!

SHKARKO APP

App Store
Google Play

Kalendari i Superiores/ Dy javët e para nisin "zjarr", derbi në xhiron e gjashtë

15 Korrik 2024, 12:41, Sport CNA

Kalendari i Superiores/ Dy javët e para nisin "zjarr", derbi

Dhjetë skuadrat e Superiores zbuluan këtë të hënë kalendarin për sezonin 2024-2025.

Shorti i hedhur në ambientet e Federatës Shqiptare të Futbollit, rezervoi përballje interesante që në javën e parë.

Spikat padyshim ndeshja mes Partizanit dhe Vllaznisë, por edhe ajo mes Skënderbeut dhe Elbasanit.

Në javën e parë, goglat vendosën përballë Tiranën me Laçin, ndërsa kampionët e Egnatias përballen me Dinamon. Sfida tjetër do të jetë ajo mes Teutës dhe Bylisit.

Nuk mungojnë ndeshjet pikante as në javën e dytë, aty ku Vllazninë e pret një tjetër takim i vështirë, këtë herë në klasiken ndaj Tiranës.

Gjithashtu, Partizani do të presë në kryeqytet Skënderbeun, dy ekipe që njihen për rivalitetin e madh mes tyre.

Derbi i parë i kryeqytetit, mes Partizanit dhe Tiranës, është vendosur të luhet në javën e gjashtë, me të kuqtë si pritës.

Sa i përket skuadrave të kryeqytetit, Dinamo do i luajë ndeshjet si pritës në stadiumin “Elbasan Arena”, ndërsa Tirana dhe Partizani, sfidat e rëndësishme do i luajnë në “Air Albania”.

Kampionati Kategoria Superiore do të nisë më 18 gusht 2024 dhe është planifikuar të mbyllet në muajin maj 2025.

Në Superiore këtë sezon marrin pjesë këto skuadra: Egnatia, Partizani, Skënderbeu, Vllaznia, Tirana, Teuta, Dinamo, Laçi, Elbasani dhe Bylis.

 

Skuadrat dhe numrat përkatës:

Partizani – 1

Skënderbeu – 2

Teuta – 3

Dinamo – 4

Laçi - 5

Tiran – 6

Egnatia – 7

Bylis – 8

Elbasani – 9

Vllaznia – 10

KALENDARI I PLOTË:

Kalendari i Superiores/ Dy javët e para nisin "zjarr", derbi

 





Lajmet e fundit nga