web counter
LEXO PA REKLAMA!

SHKARKO APP

App Store
Google Play

E fundit!

x

Mbrëmje makthi, por Maguire nuk është dakord

14 Prill 2023, 14:45, Sport CNA

E pabesueshme, por e vërtetë. Në avantazh 2-0 dhe siç dukej në kontroll të ndeshjes me Sevilla-n, Manchester United lejoi veten të rikuperohej me çerekfinalen e Europa League që përfundoi në barazim 2-2 në “Old Trafford”.

“Djajtë e Kuq” duhet të bëjnë llogaritë edhe me fatin e keq që patën në fushë, me një shtyllë të goditur dhe dy autogola të pësuar.

Protagonist në botën e “memeve”, Harry Maguire. Sikur të mos mjaftonin gafat e së shkuarës dhe fakti që ka përfunduar në stol, këtë herë, duke u futur si zëvendësues, tersi e ndoqi sërish jo vetëm me barazimin e Sevilla-s, por edhe me një autogol jo pak qesharak në portën e tij.

Diçka e pabesueshme në fund të ndeshjes nga kapiteni Maguire, që, gjithsesi, ka gjetur kurajën për të dalë para kamerave, duke u shprehur.

“Mendoj që mbrojtëm mjaft mirë dhe treguam karakter. Dukej se do të merrnim një rezultat pozitiv, por pastaj ndodhi diçka e pabesueshme. Siç edhe e pamë, ndeshja përfundoi në barazim, por asgjë nuk është humbur, pasi gjithçka do të vendoset javën e ardhshme”.

Një javë ku, pa dyshim, mbrojtësi do t’i duhet të kryqëzojë gishtat edhe për pak fat, pasi me kthimin e topit në portën e tij, pas asaj goditjeje të En-Nesyrit, ka përfunduar sërish në rrjetën e humoristëve të rrjeteve sociale.





Lajmet e fundit nga