web counter
LEXO PA REKLAMA!

SHKARKO APP

App Store
Google Play

Mancini: Me këta dy lojtarë bëhemi më të frikshëm

19 Qershor 2023, 12:49, Sport CNA

Italia siguroi një fitore të rëndësishme përballë Holandës, në takimin e vlefshëm për 3/4-t e Nations League. Kombëtarja e kaltër triumfoi me vështirësi me rezultatin 3-2.

Numri një i 4 herë kampionëve të botës, Roberto Mancini, u shfaq i kënaqur me skuadrën e tij dhe me mënyrën se si e interpretuan ndeshjen.

”Ishte një paraqitje pozitive. Në pjesën e parë luajtëm shumë mirë, ndërsa në të dytën e humbëm disi ritmin. Por, duhet të theksoj që përpjekja ishte shumë e madhe nga të gjithë.

Djemtë dhanë maksimumin e tyre dhe nuk u ndalën për asnjë moment. Ishte një test i mirë, sinjalet ishin shumë të mira, pasi treguam në disa momente që dimë ta zgjidhim ndeshjen në mënyrën e duhur.

Me Federico Chiesa-n dhe Nicolo Zanilo-n në krahë, ne bëhemi një skuadër më fizike, ndërsa në fraksionin e parë ishim më pak të rrezikshëm në sulm.

Mesfushën e kontrolluam gjithashtu, ndërsa mbrojtja luftoi deri në fund. Ishte një fitore shumë e rëndësishme”, përfundoi Mancini.

Pas sigurimit të vendit të tretë në Nations League, objektivi i radhës për Italinë do të jetë kualifikimi në "Euro 2024".

Të kaltrit do të rikthehen të luajnë në muajin shtator dy ndeshje të rëndësishme për fatet e kualifikimit: ndaj Maqedonisë së Veriut dhe Ukrainës.





Lajmet e fundit nga