web counter
LEXO PA REKLAMA!

SHKARKO APP

App Store
Google Play

Manchester Cityi Guardiolës dhuron spektakël, fiton me poker ndaj Liverpoolit

1 Prill 2023, 17:04, Sport CNA

Manchester City tregon “forcën” e saj në super sfidën e javës së 29-të, duke shkatërruar Liverpoolin në shifrat 4-1. Skuadra e Guardiolës zhvilloi një ndeshje fantastike, duke e dominuar, edhe pse në fakt do të gjendej në disavantazh pas golit të Salah pas 17 minutash. Alvarez vendosi baraspeshën në pjesën e parë.

Në fillimin e së dytës, De Bruyne dhe Gundogan përmbysën gjithçka dhe udhëhoqën “qytetarët” drejt një tjetër suksesi në kampionat. Grealish do të shënonte golin e katërt. City me këtë fitore shkon në kuotën e 64 pikëve, 5 më pak se Arsenali kryesues, por rivaliteti nuk pritet të mungojë deri në fundin e kampionatit.

0-1: Liverpooli e ka nisur në mënyrën më të mirë të mundshme sfidën ndaj Manchester City-it, duke kaluar shumë shpejt në avantazh. Në minutën e 17-të, Diogo Jota ka një mundësi shumë të mirë përballë portierit, por sulmuesi lë një top më pas për Mohamed Salah, i cli e shfrytëzon më së miri për ta dërguar topin në trekëndësh. Ky është goli i 12-të sezonal për egjiptianin.

1-1: City ka arritur të gjejë barazimin, me Alvarez, i cili shfrytëzoi një pasim të Grealish nga krahu i majtë në minutën e 27-të.

2-1: Manchester City e ka nisur në mënyrën më perfekte të mundshme pjesën e dytë duke kaluar menjëherë në avantazh. Që në sekondat e para pas rifillimit të takimit, Mahrez harrohet nga mbrojtja e Liverpoolit në krahun e djathtë.

Algjeriani shërben në zonë për De Bruyne, i cili e ka shumë të thjeshtë për ta shtyrë topin në kuadrat.

3-1: Manchester City realizon dhe golin e tretë, që mund të jetë i sigurisë në duelin ndaj Liverpoolit. Pas një aksioni të gjatë të skuadrës së Guardiolës, Gundogan është në kohën dhe në vendin e duhur për ta dërguar topin në kuadratin e portës së Alisson.

4-1: Liverpooli ka pësuar dhe golin e katërt në duelin ndaj City-it. Jack Grealish, një nga më të mirë në fushën e lojës ka realizuar golin e katërt, i asistuar nga belgu De Bruyne.





Lajmet e fundit nga