web counter
LEXO PA REKLAMA!

SHKARKO APP

App Store
Google Play

E fundit!

x

"Lojtarëve të Shqipërisë ju hanë këmbët", Silvinjo: Kemi objektiv kualifikimin në Europian, jemi gati për Poloninë

26 Mars 2023, 18:07, Sport CNA

"Lojtarëve të Shqipërisë ju hanë

Trajneri i Kombëtares shqiptare, Silvinjo, foli në konferencë për shtyp, në prag të sfidës që Shqipëria do të luajë të hënën me Poloninë.

Silvinjo deklaroi se skuadra është gati dhe ka bërë një punë intensive për ndeshjen e nesërme. Tekniku brazilian deklaroi se e ka zgjedhur formacionin, ndërsa shtoi se atmosfera në ekip është shumë e mirë, për arritjen e objektivit, që është kualifikimi në Europian.

"Jemi gati, pas dy muaj e gjysmë punë intensive tani kam arritur të kuptoj më mirë lojtarët, kemi vëzhguar 70 lojtarë dhe 240 ndeshje dhe vendosëm të zgjedhim 23 lojtarët për këtë sfidë. Polonia është skuadër e fortë, por unë jam i kënaqur nga puna, grupi dhe atmosfera që kemi krijuar deri tani.

E kam në kokë se si do të luajmë, jemi gati, të 23 lojtarët. Do të luajmë në grup. Cikalleshi është i rëndësishëm, por është një nga 23 lojtarët. Formacioni është gati, por do ta shikoni nesër. Për mua është e rëndësishme të kemi filozofinë e duhur, të hyjmë në fushë me besim dhe të bëjmë mirë.

Duhet të ecim përpara pasi surprizat i bëjnë lojtarët, ne trajnerët bëjmë punën tonë. Santos është trajner shumë i fortë me eksperiencë, na ka vëzhguar, por atë e kemi bërë edhe ne. Punojmë 24 orë për të përgatitur një ndeshje. Nesër do të kemi në fushë lojtarët më të mirë dhe do të bëjmë një ndeshje të bukur.

Atmosfera është shumë e mirë dhe ka shumë vlerë, jam i kënaqur. Nuk kam frikë, futboll është sport i bukur, kemi përballë një kundërshtar të fortë por nuk e vlerësoj për 90 minuta të vetme. Polonia është skuadër e fortë dhe favorite kryesore në grup. Nuk mund të nxjerr konkluzione nga humbja me Çekinë. I kemi shanset tona të arrijmë kualifikimin, duhet të marrim pikë, 1 pikë, gjysmë pike, çdo pikë është e rëndësishme.

Ne do të mbrohemi si skuadër dhe do të besojmë te kjo filozofi. Kemi mungesa por kemi edhe 23 lojtarë. Mendojmë për mbrojtjen ashtu si mendojmë për portën apo pjesën ofensive. Jemi 11 lojtarë në fushën e lojës dhe do të punojmë në grup. Polonia ka Leëandoëskin që është në nivelin e Messi, Benzema e Mbappe, lojtarë që siguron 30-40 gola por nëse luajmë në grup nuk kemi pse shqetësohemi.

Objektivi është kualifikimi por është shumë e vështirë, për të gjithë. Rruga është e gjatë, lojtarët e kanë të qartë që duhet të luftojnë për çdo pikë, përfaqësojnë kombin shqiptar. Ne do të bëjmë rrugën tonë, në kualifikueset e fundit për pak pikë nuk u kualifikua."

Silvinjo deklaroi se lojtarët duhet të jenë të fokusuar gjatë gjithë kohës, ndërsa me batutë shtoi se disa iu hanë këmbët për ndeshjen e nesërme.

"20 minutat e para do të jenë të rëndësishme por futbolli luhet 90 minuta, për mu s’ka rëndësi edhe 2 minuta. Duhet të hyjmë në fushë me grintën e duhur. Të jemi të përqendruar në çdo sekondë, këtë ia kam kërkuar lojtarëve, të jenë të fokus nga minuta e parë deri në fund. Ndeshja është e nivelit të lartë, përballë një skuadre të fortë, e respektojmë por ne do të bëjmë ndeshjen tonë dhe do të shkojmë për të bërë maksimumin.

Duhet ta shprehim këtë në fushën e lojës. Unë kam lindur në futboll, kam një jetë që merrem me të. Pas kaq vitesh e kuptoj qartë se çfarë është bërë ndryshe kur fiton një ndeshje dhe kur humbet, e kuptoj pse erdhi. Duhet të punojmë shumë me të gjithë, kam punuar me të gjithë, vazhdimisht, ata e kuptojnë shumë mirë pjesën e punës por edhe faktin kur ti i flet me sinqeritet. Shpirti garës është ajo që na duhet, e shikoj në stërvitje, lojtarët shfrytëzojnë çdo sekondë për t’u stërvitur.

Të gjithë jemi gati, jam i kënaqur me ta. Folëm për lojtarët e Polonisë por nuk mund të dilja pa folur për lojtarët e mi. Kemi Mehmetin, Bajramin, Uzunin, Asanin që ju hanë këmbët për të luajtur. Seferi e Cikalleshi janë shumë të fortë, edhe Abrashi që kishte një shqetësim shëndetësor do të jetë gati.", deklaroi Silvinjo. 





Lajmet e fundit nga