E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

LIVE Partizani-Tirana/ Mbyllet pjesa e parë, bardheblutë në avantazh dhe me 10 lojtarë (VIDEO)

2 Tetor 2022, 18:58, Sport CNA

LIVE Partizani-Tirana/ Mbyllet pjesa e parë, bardheblutë në

Partizani dhe Tirana luajnë sot derbin e parë të kryeqytetit në “Air Albania”, i cili pritet të kthehet në arenën e një përballjeje të zjarrtë siç ka qenë shpesh në vitet e fundit mes dy skuadrave.

Një sfidë që mund të tregojë edhe më shumë pretendimet dhe formën që po kalojnë dy skuadrat, me Partizanin që është kryesues dhe me Tiranën që për momentin e ndjek në distancë. Por derbi historikisht ka qenë i paparashikueshëm pavarësisht vendit në tabelë dhe ka ndodhur shpesh edhe që të ndryshojë fatin e sezonit për dy ekipet.

LIVE PARTIZANI-TIRANA 0-0

KOMENTI LIVE:

45’+1’ GOOOL TIRANA! Shënon Xhixha pas një kundërsulmi perfekt dhe një daljeje të gabuar të Rexhepit.

42’ Largohet nga fusha e lojës Patrik për t’i bërë vend Limajt, pasi Aleksi do të kthehet në qendër të mbrojtjes në këto minuta.

37’ Karton i kuq për Lulajn. Mbrojtësi ndalon Skukën në kufijtë e zonës teksa po nisej drejt portës, Xhaja bën shenjë që loja të vazhdojë dhe vetëm pasi topi del jashtë, një minutë më vonë, shkon të shohë pamjet me VAR. Pas verifikimit të pamjeve, ai i nxjerr kartonin lojtarit të bardhebluve.

32’ Xhixha me një kombinim me Hasanin dhe Patrik mundohet që të hyjë në zonë, por ndalet në kufijtë e zonës së rreptësisë.

30’ Presing i lartë i Tiranës e cila po mundohet të mbajë Partizanin sa më larg katërkëndorit të Bekajt.

26’ Pas zhvillimit të një goditjeje nga këndi, Deliu tenton me forcë nga jashtë zonës, por nuk ka shënjestrën për të gjetur portën.

25’ Mrekulli e Rexhepit! Portieri i Partizanit pret penalltinë e gjuajtur nga Xhixha.

19’-22’ Patrik hyn në zonë dhe merr një pasim në qendër por pastaj rrëzohet pas një kontakti me Matondon, Xhaja bën shenjë që loja të vazhdojë ndërsa më pas pret përgjigjen edhe nga VAR. Ai vendos që të shkojë të shohë vetë pamjet.

16’ Gjuajtje e fortë e Skukës nga e djathta, sfera përfundon jashtë katërkëndorit të bardhebluve duke mos shqetësuar Bekajn.

11’ Kërkojnë prekje topi me dorë të kuqtë pas një tentative në zonë por Xhaja bën shenjë që loja të vazhdojë.

10’ Kombinim i shpejtë mes Skukës dhe Da Silva, por tentativa e këtij të fundit për të Hyrë në zonë ndalet nga mbrojtja e bardhjebluve.

4’ Fillimisht Deliu nga e djathta e pastaj Patrik nga e majta tentojnë pasimet në qendër të zonës, por asnjëri nuk ia del që të gjejë një shok skuadre, i ndalur nga mbrojtja e kuqe.

2’ Menjëherë rrezikshëm Tirana me një gjuajtje nga e djathta të Kallakut, pro ky i fundit nuk ia del të shenjëstroje portën.

Starton sfida!

FOMRACIONET ZYRTARE:

PARTIZANI: Rexhepi, Buxhelaj, Sota, Bitri, Hadroj, Rrapaj, Matondo, Murataj, Da Silva, Hoti, Skuka.
Trajner: Xh. Kolela

TIRANA: Bekaj, Toshevski, Behiratçe, Lulaj, Ismajlgeci, Aleksi, Deliu, Hasani, Kallaku, Xhixha, Patrik.
Trajner: O. Shehi

Gjyqtar: Juxhin Xhaja