Kupa e Botës 2022 / Nga favoritët te “turistët”, ja shanset reale për 32 kombëtaret pjesëmarrëse

17 Qershor 2022, 15:19, Sport CNA

Një emision sportiv televiziv brazilian i ka renditur të 32 kombëtaret pjkesëmarrëse të “Katar 2022” në katër kategori të ndryshme: Favoritët, kandidatët për trofeun, mund të befasojnë dhe, së fundi, “turistët”.

Katër skuadra janë emëruar si favorite, duke përfshirë, pa diskutim, Brazilin. Ndërsa kategoria “turistët” përmban 14 ekipe, pothuajse gjysma e 32-shes që konkurrojnë në turneun e këtij dimri, duke përfshirë vendin pritës, Katarin. Le të hedhim një vështrim në renditjen e “Sportv”, sipas “Reddit”:

“Turistët”
Kosta Rika
Arabia Saudite
Kanadaja
Irani
Maroku
Katari
Tunizia
Korea e Jugut
Australia
SHBA
Meksika
Gana
Japonia
Kameruni

Po, është e vështirë të shohësh ndonjë nga këto skuadra që mund të sfidojnë seriozisht lavdinë e Kupës së Botës më vonë, këtë vit. Interesante, Arabia Saudite përfundoi mbi Japoninë dhe Australinë në kualifikime, ndërsa Irani përfundoi rreth Koresë së Jugut. Por të dyja kombëtaret ende humbasin një vend në kategorinë tjetër.

Mund të befasojnë
Ekuadori
Uellsi
Polonia
Danimarka
Serbia
Zvicra
Senegali
Uruguaji

Të gjitha këto kombëtare kanë potencialin të shqetësojnë favoritët e mëdhenj të Botërorit në përballjet e tyre. Senegali, fituesi i këtij viti të Kupës së Kombeve të Afrikës, mund të jetë një kërcënim real. Ashtu si Uellsi, i cili është kualifikuar në të parën Kupë Bote që nga viti 1958.

Kandidatët për trofeun
Kroacia
Portugalia
Holanda
Belgjika
Anglia
Spanja

Forma shqetësuese e fundit e Anglisë nuk i ka kushtuar asaj mungesën e vendit në kategorinë “kandidatët për trofe”. Kombëtaret e tjera janë gjithmonë të rrezikshme në kompeticionet e mëdha, veçanërisht Spanja. Ndërkohë, ne do të zbulojmë nëse Cristiano Ronaldo mund ta frymëzojë Portugalinë për lavdi në atë që ka të ngjarë të jetë paraqitja e tij e fundit në Kupën e Botës.

Favoritët
Argjentina
Gjermania
Franca
Brazili

Argjentina, Gjermania dhe Franca renditen së bashku me Brazilin si favoritët për të fituar Kupën e Botës së këtij viti. Franca është kampionia në fuqi e botës, pasi triumfoi në Rusi katër vite më parë, por mos e nënvlerësoni Argjentinën, e cila aktualisht është në një seri të jashtëzakonshme pa humbje prej 32 ndeshjesh dhe ka fituar dy trofetë: “Copa America” dhe “Finalissima”.

Ashtu si për Ronaldon, kjo do të jetë Kupa e Botës e fundit e Lionel Messit. Sulmuesi legjendar është i vendosur të shtojë në koleksionin e tij të vetmin trofe që i ka shpëtuar deri më tani, përpara se “të varë këpucët në gozhdë”. A do të jetë 2022-shi, viti i tij? Le të presim e ta shohim. Kujtojmë se Kupa e Botës 2022 fillon më 21 nëntor.