web counter
LEXO PA REKLAMA!

SHKARKO APP

App Store
Google Play

E fundit!

x

Kristal Abazaj te Tirana, zbulohen detajet e marrëveshjes

19 Janar 2023, 22:58, Sport CNA

Në orët në vazhdim pritet që Tirana të konfirmojë afrimin e Kristal Abazajt. Burime pranë klubit bardheblu bëjnë me dije se palët kanë rënë dakord për gjithçka dhe lojtari me shumë mundësi del neser në stërvitje me Tiranën.

Halili dhe Osmani kanë nxituar të gjejnë një tjetërlojtar me potencial që mund të bëjë diferencën. Bëhet fjalë për Kristal Abazajn, aktualisht i lirë dhe me një dëshirë të madhe për t’ia nisur edhe një herë nga e para në kampionatin shqiptar.

Duket si një “martesë” ideale me një sulmues që kërkon të rikthehet në nivelet e larta, por edhe për kampionët që zëvendësojnë Xhixhën me një futbollist që ka shumë cilësi.

Burime pranë klubit bëjnë me dije se është arritur një marrëveshje mes Tiranës dhe Abazajt dhe mund të zyrtarizohet pasi Xhixha të ketë firmosur për klubin e ri, që me shumë gjasë do të jetë Ferencvaroshi.

Nga ana tjetër Limaj pritet të zyrtarizojë largimin nga bardheblutë, destinacioni i tij, Shkëndija e Tetovës. Objektivi i bardhebluve dhe i Abazajt është titulli kampion si dhe kalimi i sa më shumë tureve në Europë.

Pas përvojës në Turqi, sulmuesi shqiptar rikthehet në Superiore, për ta përdorur si një trampolinë për një transferim në një kampionat cilësor në Europë.





Lajmet e fundit nga