web counter
LEXO PA REKLAMA!

SHKARKO APP

App Store
Google Play

E fundit!

x

Largohet Bitri, zbulohet sa do të përfitojë Partizani

19 Janar 2023, 13:46, Sport CNA

Largohet Bitri, zbulohet sa do të përfitojë Partizani

Eneo Bitri nuk do të jetë më pjesë e Partizanit. Mbrojtësi i Partizanit do të vijojë karrierën e tij në Çeki. Mësohet se 26-vjeçari do të bëhet pjesë e Banik Ostrava teksa ka firmosur një kontratë për një vit e gjysmë nga e cila do të përfitojë 200.000 euro në sezon. Klubi i kuq do të përfitojë 150 mijë euro nga ky transferim, duke humbur kështu liderin e mbrojtjes.

Për mbrojtësin nga Berati kishte interes dhe nga Bundesliga 2, konkretisht nga Braunschweig, por në fund lojtari preferoi transferimin në futbollin çek.

Skuadra e Banik Ostrava ndodhet aktualisht në vendin e 10-të me 20 pikë, e synon minimalisht të shmangë zonën e "play out". Bitri këtë edicon ishte kapiteni i të kuqve duke e ndihmuar skuadrën në pjesën e parë të sezonit në 16 ndeshje duke shënuar dhe 2 gola. Për 26-vjeçarin nuk është eksperienca e parë jashtë vendit pasi më parë ka luajtur dhe me Astana në Kazakistan.

Mbrojtësi nga Berati është grumbulluar së fundmi dhe nga Kombëtarja e Shqipërisë, teksa është aktivizuar në ndeshjet miqësore me Armeninë, Arabinë Saudite dhe Katarin.





Lajmet e fundit nga