E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Kënaqësi e dyfishtë”, Shehi flet pas suksesit ndaj Teutës: Shërben para derbit se e dimë çfarë rëndësie ka

16 Shtator 2022, 18:27, Sport CNA

Orges Shehi është shfaqur i kënaqur për suksesin e skuadrës së tij ndaj Teutës me shifrat 3-0. Duke folur për “Oversport” ai theksoi se kjo ishte një fitore që i jepte moral ekipit, pas një periudhe ku kishin munguar rezultatet e sidomos para derbit.

“Në ndeshjet e fundit kemi marrë minimumin e pikëve dhe sot e kishim me doemos fitoren. Pastaj kur vjen edhe me lojë të bukur dhe me gola, atëherë edhe kënaqësia është e dyfishtë.

Unë mendoj se fillimi ishte i vështirë pak se po bënim gjërat gabim, nuk po kërkonim shpejtësi. Edhe ashtu filluam të dalim para portës, luanim shpejt me Kallakun dhe Hasanin. Pastaj erdhi çlirimi nga goli, sepse po të shihni tranzicioni pozitiv ishte shumë mirë. Këtë duhej të bënim, për të kapur shpejt zonat bosh të kundërshtarit.

Dihet kalendari, kur është pushimi i kombëtares, ne na bën mirë fitorja edhe në aspektin psikologjik, kur nuk merr pikët për pritshmërinë, për 2-3 javë, skuadra hyn në krizë besimi dhe ajo është shumë e dëmshme në futboll, sidomos për ne, që jemi konfiguruar në fund. Pastaj kemi dy javë për të përgatitur derbin, kur dihet se çfarë rëndësie ka derbi për të gjithë aktorët brenda fushës dhe jashtë saj.

Nuk mendoj se ka kundërshtar të lehtë në Superiore, të gjithë skuadrat po tregojnë nga java në javë që të bëjnë dëm, ndëshkohesh për një episod. Kështu ishte me Vllazninë, një episod prishi të gjithë mënyrën e lojës. Nuk ka ndeshje të lehta. Teuta pavarësisht pozicionit që ka, mund të ringrihet.

Patrik? Ai nuk është tipik për atë pozicion dhe nuk është ende në formë maksimale. Edhe sot u munduam të lëmë në fushë, por e dimë që nuk është lojtar që është fiks për atë pozicion por i prish ekuilibrat skuadrës kundërshtare dhe nga momenti në moment të vjedh kohën, ka intuitë dhe është i zgjuar, e shpresojmë që të futet në ritëm për të na ndihmuar që të luajë në pozicionin e tij.

Pozicioni natyral i Ismajlgecit është mbrojtës i majtë. Ne ishim të detyruar ta kalonim në të djathtë, se të gjithë në krahun e djathtë kishin probleme shëndetësore. Sot vendosa që të luante aty sepse Vila sulmon thellësinë shumë dhe duhej të dublonte topin pas shpine. Mendoj se ai luan shumë mirë në rolin natyral, por i thashë para ndeshjes se duhet të na ndihmosh dhe e bëri shumë mirë punën e tij”, tha Shehi.