web counter
LEXO PA REKLAMA!

SHKARKO APP

App Store
Google Play

Kaos në miqësore, Telushin e “tradhtojnë” nervat dhe godet kundërshtarin në fytyrë

16 Gusht 2023, 09:51, Sport CNA

AF Elbasani mundi dje pastër Apoloninë në stadiumin “Loni Papuçiu”, në një miqësore që u mbyll me sherr dhe dy kartonë të kuq. Ndeshja mes skuadrave të Kategorisë së Parë që pretendojnë të ngjiten në elitë ishte shumë e luftuar, teksa verdheblutë e Nevil Dedes shënuan në fundin e pjesës së parë me brazilianin Leo Melo, si dhe në pjesën e dytë me Joni Ballën.

Fierakët kishin rastet e tyre, por vuajtën në metrat e fundit, ndërsa elbasanasit ishin cinikë. Pavarësisht se ishte vetëm një miqësore, pati shumë tension, ndërhyrje dhe dyluftime të ashpra, duke detyruar arbitrin Olsid Ferataj të nxjerrë dy herë kartonin e kuq për Bruno Telushin e Elbasanit dhe Nuredin Orelesin e Apolonisë, që si për ironi të fatit, janë lojtarët më të vjetër në skuadrat respektive, por që dje u tradhtuan nga nervat.

Në minutën e 75-të filloi “lufta” e vërtetë. Një faull i shkaktuar në dëm të mesfushorit Edon Hasani bëri që lojtarët e të dyja skuadrave të krijonin një kaos në fushë. Kulmi arriti kur Telushi bën një gjest antisportiv, duke goditur në fytyrë Orelesin. Arbitri Ferataj i nxori menjëherë të dy lojtarët me kartonë të kuq. Ndeshja u ndërpre 5 minuta, ndërsa në fushë u futën edhe pjesëtarët e stafeve teknike, pasi mes lojtarëve situata doli jashtë kontrollit.





Lajmet e fundit nga