web counter
LEXO PA REKLAMA!

SHKARKO APP

App Store
Google Play

E fundit!

x

Kampionati rikthehet në mesjavë, luhet në dy ditë me orar të ri

31 Tetor 2022, 16:16, Sport CNA

Kampionati rikthehet në mesjavë, luhet në dy ditë me orar

Ndeshjet e Kategorisë Superiore kthehen shumë shpejt, që në mesjavë, me skuadrat të cilat do të luajnë duelet e javës së 11-të të sezonit. Një ngjeshje e kalendarit që vjen për shkak të zhvillimit të Kupës së Botës në nëntor dhe ndalesës së detyruar për këtë aktivitet.

Sfidat e kësaj jave luhen të gjitha në një orar të ri, atë 13:00, që nuk ndryshon edhe pse bëhet fjalë për mejsavë e mund të penalizojë ndjeshëm praninë e tifozëve që do ta kenë të vështirë t’i ndjekin duelet.

Të mërkurën luhen dy sfidat e para, Bylis-Teuta për mbijetesën dhe Erzeni-Kastrioti që tashmë luhet për të qëndruar në garë për Europën më shumë se për mbijetesën në elitë.

Të enjten janë tri sfidat e tjera shumë të rëndësishme me Laçi-Partizani, Kukësi-Vllaznia e Tirana-Egnatia që vendosin përballë ekipe me pretendime për vazhdimësinë. Duele të cilat do të luhen paralelisht po në të njëjtin orar.

Java 11 (2-3 nëntor)
Të mërkurën

Bylis-Teuta Ora 13:00
Erzeni-Kastrioti Ora 13:00 (në Durrës)

Të enjten
Laçi-Partizani 13:00
Kukësi-Vllaznia 13:00
Tirana-Egnatia 13:00 (në “Selman Stërmasi”)





Lajmet e fundit nga