web counter
LEXO PA REKLAMA!

SHKARKO APP

App Store
Google Play

E fundit!

x

Juventus-i "piketon" dy shqiptarë në merkato

19 Qershor 2024, 12:06, Sport CNA

Juventus-i "piketon" dy shqiptarë në merkato

Pas zgjedhjes së trajnerit të ri, te Juventus-i kanë nisur nga puna për afrimet që do të bëjnë në merkato.

Bardhezinjtë duan të krijojnë një ekip, sipas dëshirave të teknikut Tiago Mota dhe alternativat nuk mungojnë.

Për sulmin, italianët ëndërrojnë një emër të madh si Jadon Sancho. Sulmuesi anglez pëlqehet shumë, sidomos pas shkëlqimit në sezonin e fundit te Borussia Dortmund, aty ku luajti i huazuar nga Manchester United. Çmimi i lartë i kartonit dhe paga prej 8 milionë eurosh, ka bërë që Juventus-i të stepet dhe të shikojë një tjetër objektiv.

Alternativë është Edon Zhegrova, që në sezonin e fundit i mahniti të gjithë në Francë me fanellën e Lilës. Sulmuesi i Kosovës, ndiqet nga “Zonja e Vjetër” prej kohësh dhe po përgatisin ofertën për klubin francez.

Zhegrova shihet si një element mjaft i talentuar dhe me cilësi në këmbë, por mbetet të shihet përshtatshmëria në kampionatin italian.

Në listën e Juventusit për merkaton e verës, është edhe një tjetër shqiptar. Bëhet fjalë për mbrojtësin e majtë, Mario Mitaj. 20-vjeçari është pjesë e Lokomotivës së Moskës në Rusi, por këtë verë pritet të ndryshojë skuadër.

Mbrojtësi ka tërhequr vëmendjen e shumë klubeve, përfshirë edhe Bolonjën në Itali, teksa Mota ka dhënë miratimin e tij për ta marrë në Torino.

Në favor të mbrojtësit shqiptar janë mosha e re dhe çmimi, krahas cilësive të shumta teknike që disponon. Gjithsesi vetë Mitaj është i përqendruar në "Euro 2024" me Shqipërinë dhe vetëm pas përfundimit të rrugëtimit aty, do të mund të mendojë për të ardhmen.





Lajmet e fundit nga