web counter
LEXO PA REKLAMA!

SHKARKO APP

App Store
Google Play

E fundit!

x

“I yni punon më mirë se i të tjerëve”, Kolela ironizon për VAR-in pas fitores: Ndryshimi është që Tirana duhet të…

23 Prill 2023, 20:36, Sport CNA

Trajneri i Partizanit, Xhovani Kolela, deklaroi pas fitores ndaj Bylisit se ekipi kishte reaguar mirë, por nuk ishte kjo ajo që pritej nga ekipi i tij që mbetej shumë larg kreut.  

“Ju kujtoj të gjithëve që jemi 5 pikë larg nga kreu me 6 javë nga fundi dhe nuk janë pak.

I kënaqur me lojën? Mjaftueshëm. Nuk kemi bërë keq në përgjithësi. Nuk jemi perfekt, por nuk jemi kurrë perfekt. Çfarë të ndryshojmë? Ndryshimi është që Tirana të humbasë ndonjë pikë, për këtë duhet të pyetni ata, jo ne.

Nuk kemi bërë keq ndaj Laçit, nuk është se bëmë ndeshje të shëmtuar. Sot kemi bërë një ndeshje të mirë.

Zëvendësimet bënë mirë, nuk është se bënë keq edhe ata që janë aktivizuar si zëvendësues edhe në ndeshjet e mëparshme. Ndeshjet nuk është se funksionojnë apo jo nga zëvendësimet e duhura apo jo, fusha e mirë apo jo.

Nga e diela kur të shkojmë në transfertë, do të marrim me vete VAR-in tonë, se me sa duket VAR-i ynë funksionon më mirë se i të tjerëve. Se shkojnë dhe e përdorin, ndërsa te të tjerët jo, ndaj do e marrim me vete në autobus.

VAR-i nuk u përdor të penalltia e parë? Unë e thashë atë që desha të thosha, nuk përgjigjem.

Katër fitore ndaj Bylis? E kam thënë para dhe pas ndeshjeve me ta. Bylis them se është një nga skuadrat që luan futboll më mirë në kampionat. Nuk e meriton që të bjerë nga kategoria”, tha Kolela për “Oversport” pas duelit.





Lajmet e fundit nga