web counter
LEXO PA REKLAMA!

SHKARKO APP

App Store
Google Play

E fundit!

x

Gabriel Jesus e pranon: Na mungon përvoja për të fituar titullin

23 Prill 2023, 15:00, Sport CNA

Arsenali nuk fiton prej tri ndeshjeve radhazi, duke marrë tri barazime në Premier League. Topçinjtë janë ende në krye të klasifikimit me 75 pikë, pesë më shumë se Manchester City, por skuadra e Pep Guardiolës ka dy ndeshje më pak të zhvilluara.

Sulmuesi kryesor i Arenalit, Gabriel Jesus ka folur për këtë formë jo të mirë të skuadrës së tij, duke thënë se i mungon përvoja, pasi janë skuadra më e re në kampionat.

“E di se njerëzit duan të flasin dhe nisin të përmendin faktin që skuadra ndien presionin e fundit të sezonit. Mendoj se nuk është kjo pjesa thelbësore pse kemi gabuar së fundmi”.

“Edhe pse qëndron si hipotezë sepse jemi skuadra më e re në Ligën Premier, nuk dua ta përdor si justifikim, por nuk ka arsye pse të mos e përmend”.

“Ne nuk kemi eksperiencë kampionësh dhe ndodh që të gabojmë, jo gjithmonë plani shkon sipas parashikimeve. Të gjithë mund të gabojmë në fushë dhe kjo është një arsye më shumë pse duhet të qëndrojmë të bashkuar”.

“Është koha për të rikuperuar energjitë si nga ana psikologjike ashtu edhe nga ana fizike dhe të luftojmë deri në fund për titullin”, u shpreh Gabriel Jesus.

Ndeshjen e radhës Topçinjtë do ta zhvillojnë në "Etihad Stadium" ndaj Manchester City-t. 





Lajmet e fundit nga