web counter
LEXO PA REKLAMA!

SHKARKO APP

App Store
Google Play

I skadon kontrata, Edi Reja drejt largimit nga Shqipëria

12 Gusht 2022, 09:19, Sport CNA
I skadon kontrata, Edi Reja drejt largimit nga Shqipëria
Edi Reja

Edi Reja mund të luajë ndeshjet e fundit në krye të stolit të Kombëtares. Jo vetëm sepse kontrata e tij skadon në nëntor të këtij viti, por edhe sepse ka si kusht vendin e parë në grup në Ligën e Kombeve.

Përjashtimi i Rusisë do të duhej të ishte një “bonus” për kuqezinjtë, ndonëse rezultatet dhe mbi të gjitha loja që ka zhvilluar skuadra jonë nuk kanë qenë ato që priteshin.

E megjithatë, shanset për ta realizuar këtë janë ende reale. Mjafton që në fund Shqipëria të renditet e para dhe kjo do të shtonte mundësitë që kuqezinjtë të siguronin një vend në “play off”-in e Europianit. Ai është objektivi kryesor.

Vendi i parë në grup në Ligën e Kombeve mund ta tundojë Dukën që t’i ofrojë shansin edhe për në Europian. Brenda korridoreve të FSHF-së qarkullojnë edhe zëra se vetë Reja nuk është i vendosur nëse do të vazhdojë apo jo.

Ndërkaq, nuk mund të anashkalohet edhe mosha e italianit. Tingëllon joetike, por është fakt që ai në 10 tetor mbush 77 vjeç dhe për të shkuar në Europian me një skuadër si Shqipëria duhet të shpenzosh kohë dhe mbi të gjitha shumë energji.





Lajmet e fundit nga