web counter
LEXO PA REKLAMA!

SHKARKO APP

App Store
Google Play

"Seksi me pëlqim", Dani Alves nuk ka frikë nga burgu: Asgjë s'më tremb

31 Janar 2023, 09:15, Sport CNA

"Seksi me pëlqim", Dani Alves nuk ka frikë nga burgu:

Dani Alves po qëndron pas hekurave që nga 20 janari me akuzën e përdhunimit. “La Vanguardia” raporton se avokati Cristóbal Martell ka paraqitur një ankesë në Gjykatën e Barcelonës. Letra është dorëzuar në mënyrë elektronike. Ky apel paraqet “garanci për gjyqtarët se braziliani do të qëndrojë në shtëpinë e tij në Barcelonë për kohën e nevojshme deri në mbajtjen e gjyqit”.

Ndër këto “garanci” mund të jetë përdorimi i byzylykut telematik, dorëzimi i pasaportës, nënshkrimi i përditshëm në gjykatë apo depozitimi i një shume parash për të mbuluar çdo përgjegjësi ekonomike të gjykimit.

Burime të konsultuara nga gazeta “La Vanguardia” raportojnë se “nuk ka trajtim të favorshëm apo masa të jashtëzakonshme” për Dani Alves në burgun Brians 2.

Gazeta e Barcelonës publikon se, sipas burimeve të saj, Dani Alves u ka thënë të burgosurve të tjerë se “unë do të pranoj çfarëdo që të ndodhë. U largova nga shtëpia kur isha vetëm 15 vjeç. Kam kapërcyer situata shumë të vështira dhe të ndërlikuara në jetën time. Kjo do të jetë një tjetër që do të kalojë. Jo, asgjë nuk më tremb.”

“La Vanguardia” shkruan gjithashtu se Dani Alves është shprehur në burg se marrëdhënia seksuale që ka pasur në klubin e natës Sutton, për të cilën akuzohet për përdhunim, ka qenë “me pëlqimin e gruas”.





Lajmet e fundit nga