web counter
LEXO PA REKLAMA!

SHKARKO APP

App Store
Google Play

E fundit!

x

“I ka ikur truri”, Ferdinand për Ronaldon: Dy janë shkaqet pse nuk po luan te Junajtid

23 Shtator 2022, 11:45, Sport CNA
“I ka ikur truri”, Ferdinand për Ronaldon: Dy janë shkaqet
Ferdinand dhe Ronaldo

Kristiano Ronaldo insistoi gjatë gjithë verës për t’u larguar nga Mançester Junajtid, por portugezi nuk gjeti dot një ekip ambicioz që garonte në Champions League, duke vijuar qëndrimin në “Old Trafford”.

Erik ten Hag e vlerëson dhe beson te cilësitë dhe eksperienca e 37-vjeçarit, por vendi në formacion duhet fituar me punë dhe gola. CR7 nuk po përfiton shumë minuta te Junajtid, që ia ka dalë të marrë veten pas startit zhgënjyes në Premier League.

Rio Ferdinand, ish-shoku i qindra betejave dhe shumë fitoreve e trofeve me Junajtidin në kohën kur në stol ishte një legjendë si Sër Aleks Ferguson, mban anën e trajnerit holandez dhe shpjegon se pse Ronaldo po luan pak.

“Kristiano nuk zhvilloi fazë përgatitore. Kemi edhe Rashfordin që po shënon dhe po dhuron shumë asiste. Këto janë arsyet pse Ronaldo nuk po luan. Mos të harrojmë që skuadra është më e rëndësishme se çdo individ.

E di që Kristianos i ka ikur truri me këtë situatë që është krijuar, një tip si ai që ka arritur kaq shumë në futboll nuk mund të jetë i kënaqur kur nuk i realizon qëllimet dhe objektivat e veta.

Por, Ronaldo është një profesionist ekzemplar dhe patjetër do të jetë i fokusuar kur t’i vijë momenti, do e shfrytëzojë shansin e tij”, deklaroi ish-qendërmbrojtësi anglez i Mançester Junajtidit.





Lajmet e fundit nga