web counter
LEXO PA REKLAMA!

SHKARKO APP

App Store
Google Play

Humbja ndaj Vllaznisë, Gvozdenovic: Kartoni i kuq na prishi sistemin e lojës

21 Tetor 2023, 19:35, Sport CNA

Trajneri i Skënderbeut, Ivan Gvozdenovic, foli për MCN TV, pas ndeshjes ku skuadra e tij u mposht nga Vllaznia me rezultatin 0-2.

Gvozdenovic, deklaroi se kartoni i kuq i Prençit, prishi të gjithë sistemin e lojës te skuadra korçare.

"Kur morëm kartonin e kuq e kishim shumë të vështirë pasi u detyruam të ndryshonim dhe formacionin. Na e prishi gjithë sistemin e lojës. Ishte shumë e vështirë për ne. Kishim mendimin vetëm si do të vendoseshim mirë në fazën mbrojtëse. Ishim të ekuilibruar, por ky ishte maksimumi ynë sot. Nuk mund të them që ishim pafat pasi Vllaznia luajti mirë. Mendoj për dy raste që mendoj se ishin penallti.

Ishim mirë, ishim në ekuilibër dhe të fortë në ajër. Ky ishte mendimi im. Kundërshtarët nuk krijuan shumë raste për gol. Duhet të kishim dhe shpejtësi përpara.

Është e drejtë dhe sot jam shumë i mërzitur. Sot ishte shumë e vështirë pasi ishim me një lojtar mangët. Ishim shumë afër barazimit, donim të rrinim në ekuilibër. Goli i parë ishte me fat pasi nuk ishte një krosim i bukur. Pas këtij momenti ishte e vështirë për të vazhduar.

Kur kemi 10 lojtarë dhe kemi një pjesë të dytë përpara dhe kemi 10 minuta nga pjesa e parë, nuk mund të mendoj vetëm si të mbrohem. Problemi ishte nga majtas dhe djathtas.", deklaroi Gvozdenovic.





Lajmet e fundit nga