web counter
LEXO PA REKLAMA!

SHKARKO APP

App Store
Google Play

E fundit!

x

Emiljano Çela: Flamurtari shpallet kampion, dua të mbyll me këta lojtarë

21 Tetor 2023, 16:35, Sport CNA

Trajneri i Flamurtarit, Emiljano Çela, u shfaq i lumtur për fitoren ndaj Elbasanit.

Duke folur për MCN TV, Çela deklaroi se është i kënaqur me atë që skuadra tregoi, ndërsa shtoi se është i bindur që Flamurtari do të shpallet kampion në fund.

"Ishte një ndeshje shumë e vështirë, duke ditur kualitetet e Elbasanit. E doja një gol, sepse ekipi bëri mirë gjatë gjithë kohës. Golat erdhën si logjikë e lojës. Jam i kënaqur me ekipin, për agresivitetin që treguan. Ishte një ndeshje kyçe. Vinim pas rezultateve të mira dhe duhej kjo fitore, e cila premton dhe rrit besimin në ekip.

Unë gjithmonë mundohem t’i mbaj larg lojtarët nga presionet e brendshme dhe nga ato të jashtme. Edhe në ndeshjen e parë ndaj Luzit, humbëm penallti dhe kjo i bëri dëm Flamurtarit.

Një pikë e rëndësishme e kthesës, ishte edhe Oliveira dhe Ramadani. Janë shumë të rëndësishëm për ekipin.

Më mjaftojnë lojtarët, unë jam i kënaqur me grupin. Edhe ata që u futën nga stoli, janë lojtarë të rëndësishëm dhe ndryshojnë lojën kur futen. Nga ky ekip jam i kënaqur. Unë dua ta mbyll punën me këtë grup. Jam shumë i lumtur.

Unë Flamurtarin e shikoj kampion në fund. Përderisa punojmë çdo ditë me seriozitet, ekipi më ndjek. Skuadra po merr filozofinë e lojës sime. Gara është shumë e vështirë. Janë ekipe të rëndësishme.

Para kampionatit e kemi vlerësuar Bylisin. Ruajnë grupin dhe nuk bëjnë shumë ndryshime. Ishte normale që në këtë fillim të kishin diçka më shumë se ne. Për një ekip profesionist kërkesat duhet të jenë të larta. Jemi një nga ekipet që kemi buxhetin më të lartë, bashkë me Elbasanin. Prtishmëria e të gjithëve, është e lartë. Buxheti i lartë, jo gjithnjë përkthehet me rezultat. Duhet të jemi të përulur dhe të gjejmë vazhdimësinë. ", tha ai. 





Lajmet e fundit nga