Humbja me Izraelin dhe vendi i fundit në grup, UEFA përgatit gjobën për FSHF-në

Kombëtarja shqiptare e futbollit humbi dje 1-2 në Tiranë kundër Izraelit. Miqtë përmbysën skuadrën e Edy Rejas në Nations League, teksa goli i Brojës nga pika e penalltisë nuk mjaftoi. Fundi i ndeshjes ka qenë nervoz për tanët, me miqtë që duke shfrytëzuar avantazhin e kanë marrë me qetësi situatën. Një këndore në minutën e 95 ka bërë që tifozët të hedhin sende në fushë, me arbitrin portugez Martins që është drejtuar me një mjet të hedhur nga tifozët, duke ia dhënë si provë arbitrit të katërt. Kujtojmë se ndeshja nisi me pesë minuta vonesë për shkak edhe të koreografisë së tifozëve Kuq e Zi, me fushën që u desh të pastrohej nga shiritat. Duket se UEFA do gjobisë FSHF-në për këto sjellje, ndërsa s’është hera e parë që tifozët e Kombëtares bëhen protagonisët.