web counter
LEXO PA REKLAMA!

SHKARKO APP

App Store
Google Play

E fundit!

x

Humbja me Egnatian, Di Biagio: Më mbetet të futem unë të luaj

6 Tetor 2023, 16:16, Sport CNA

Trajneri i Dinamos, Luigi di Biagio, foli për "MCN TV", pas ndeshjes ku skuadra e tij u mposht 3-0 nga Egnatia.

Di Biagio, deklaroi se mungesat e shumta ndikojnë te rezultatet, ndërsa shtoi se ekipit i mungoi agresiviteti. Gjithashtu ai foli edhe për ndryshimet e bëra gjatë ndeshjes.

"Nuk jam i kënaqur me lojën e treguar dhe mendoj se e merituam këtë humbje. Deri në 1-0 ndeshja ishte në rend, por nuk kishim bërë shumë në anën ofensive. Në mendjen time, mendova se ishim në rritje, por nuk ndodhi kështu. Egnatia mendoj se e meritoi fitore, bënë një lojë më të mirë se ne. Na mbetet vetëm të punojmë.

Deri te 1-0 ishim mirë tek agresiviteti, më pas skuadra kishte vështirësi. Duhet të punojmë. Duke krahasuar në dy ndeshjet e fundit, skuadra bëri një hap prapa. Në aspektin e agresivitetit kishim mangësi. Duhet të punojmë. Shpresoj që me pauzën e kombëtareve, të rikuperojmë ndonjë lojtar.

Nuk është problem i individëve, por i gjithë skuadrës. Duke filluar nga unë i pari, të gjithë duhet të bëjmë më shumë dhe të punojmë shumë.

Lëvizjen e Vilës, e bëra për të treguar më shumë në anën ofensive. Më pas kur mbetëm me 10 lojtarë, më duhej të hiqja një lojtar nga ofensiva, për t’i dhënë stabilitet mesfushës. Mes Kacorrit dhe Vilës, zgjodha këtë të fundit. Duke parë mungesat që kishim, u detyrova të fusja Allmuçën në mesfushë, megjithëse është lojtar krahu.  

Në dy ndeshjet e mia të para, skuadra ishte shumë mirë. Duke parë mungesat dhe situatën, na kanë munguar shumë lojtarë. Duke mos pasur të njëjtët lojtarë, ka probleme për të mos pasur agresivitetin dhe jo vetëm.

Pikët janë pak, situata duhet pranuar. Nuk kemi zgjidhje tjetër, veçse të punojmë në të ardhmen. Sot kishte shumë gabime taktike, nuk ka rrugë tjetër.

Nuk kam çfarë të fus në mesfushë. Nëse nuk luan Lorran, duhet të futem unë të luaj. Lorran po bën mirë dhe në atë pozicion, që nuk është i tiji", tha Di Biagio. 





Lajmet e fundit nga