web counter
LEXO PA REKLAMA!

SHKARKO APP

App Store
Google Play

Habit trajneri i Partizanit: Edhe mund të biem nga Kategoria, kam tre mungesa ndaj Teutës

31 Mars 2023, 16:30, Sport CNA

Habit trajneri i Partizanit: Edhe mund të biem nga Kategoria, kam tre

Partizani do të luajë nesër kundër Teutës në transfertë, ndeshje e vlefshme për javën e 27-të të Superiores. Para kësaj sfide ka dalë në konferencën e zakonshme për shtyp, trajneri Giovani Colella.

Tekniku i të kuqve zbuloi se Telushi, Maget dhe Atanaskoski janë 3 futbollistët që nuk do të jenë gati për durrsakët. Si gjithmonë nuk lë pas ironinë dhe batutën. Në fjalën e tij para gazetarëve, trajneri italian i kryeqytetasve tha:

“Situata është në përgjithësi e mirë, futbollistët që ishin dëmtuar nuk janë gati, Telushi, Maget dhe Atanaskoski nuk do të jenë ndaj Teutës. Premtoj që do të grumbulloj 21 lojtarë dhe do të hedh në fushë 11.

Teuta ka grumbulluar më shumë pikë për këtë fazë, është një kundërshtar i nivelit të lartë. Flas për skuadrën time pasi për ata nuk mund të flas, por është një kundërshtar që ka grumbulluar shumë pikë. Përsa i përket skuadrës tonë kemi gjetur një stabilitet nga janari. Nesër do të jap një përgjigje për Matondon.

E rëndësishme që për një lojtar është të dijë të sillet, një lojtar që luan për Kombëtaren ka merita të mëdha dhe duhet të vlerësohet masivisht, mua më intereson se si ky lojtar luan për Partizanin. Nuk kemi asnjë problem fizik përsa iu përket futbollistëve.

Po bëj profesorin e matematikës, 10 ndeshje janë 30 pikë, edhe mund të biem, do vazhdoj të mendoj që për garën për titull s’jemi vetëm ne dhe Tirana, por dhe ekipe të tjera, ndoshta pas 4-5 ndeshjesh mund të them diçka tjetër”, u shpreh Collela.

Ndeshja Teuta – Partizani është programuar të zhvillohet në orën 18:00 në stadiumin “Niko Dovana” të Durrësit.





Lajmet e fundit nga