web counter
LEXO PA REKLAMA!

SHKARKO APP

App Store
Google Play

E fundit!

x

Gvozdenoviç tregon pse nuk luajti Fletçer ndaj Flamurtarit

8 Gusht 2023, 13:45, Sport CNA

Ivan Gvozdenoviç ka mbetur i kënaqur nga ndeshja kundër Flamurtarit. Trajneri i Skënderbeut theksoi se ekipi ka fituar 11 lojtarë të rinj në këtë periudhë. “Është një tjetër paraqitje e mirë dhe jam i kënaqur me atë që ekipi ka treguar në fushë. Nuk e them këtë sepse kemi fituar, pasi rezultati është gjëja e fundit që më intereson në një miqësore.

Mendoj se kemi fituar 11 lojtarë të rinj që janë bërë pjesë e grupit ekzistues dhe mund të them se po përshtaten mirë. Nuk kemi qenë aq agresivë në pjesën e dytë, por kjo vjen edhe si pasojë e mbylljes së fazës përgatitore dhe lojtarët nuk kanë dashur të rëndojnë më shumë muskujt e lodhur.

Tani është koha të përshtatemi me ritmin e duhur dhe të tregojmë vërtet cilësitë tona. Më mirë që gabimet kanë ndodhur tani dhe t’i shmangim gjatë kampionatit. Edhe shtyrja e kampionatit ndikon psikologjikisht tek lojtarët, pasi janë edhe dy javë të tjera përgatitje”, ka thënë Gvozdenoviç.

I pyetur për mungesën e sulmuesit nga Xhamajka, Fleçer, ai sqaroi: “Sulmuesi ishte në tribunë, pasi nuk ka formën e duhur fizike për të luajtur. Po zhvillon një program për të kapur formën dhe shumë shpejt do jetë gati”.





Lajmet e fundit nga