web counter
LEXO PA REKLAMA!

SHKARKO APP

App Store
Google Play

E fundit!

x

Gola dhe asiste, fundjavë pozitive për legjionarët

13 Mars 2023, 14:24, Sport CNA

Shqipëria do të luajë ndeshjen e parë zyrtare për këtë vit më 27 mars ndaj Polonisë, e vlefshme për kualifikueset e Kampionatit Europian 2024. E duket se një pjesë e lojtarëve të Shqipërisë po kalojnë momente të mira me ekipet e tyre në kampionatet europiane.

Taulant Seferi realizoi dy gola në kampionatin ukrainas, duke shkuar tashmë në kuotën e 8 golave në këtë edicion futbollistik. Ndërkaq, duket se edhe sulmuesi Myrto Uzuni nuk ka ndërmend të ndalet. Beratasi la përsëri shenjë në radhët e Granadës. Sulmuesi kuqezi realizoi golin e tij të 19-të në Kategorinë e Dytë spanjolle.

Ernest Muçi është kthyer në një nga elementët më të rëndësishëm të Legias së Varshavës. Ish-sulmuesi i Tiranës po ndihmon ekipin e njohur polak me paraqitjet pozitive. Në fitoren 2-0 ndaj Stal Mielec dhuroi asistin e golit të parë.

Në Itali, Ardian Ismajli luajti për 90 minuta me Empolin në përballjen ndaj Udinezes. 90 minuta ishte në fushë dhe Elseid Hysaj ndaj Bolonjës me Lacion e tij. Një paraqitje shumë të mirë dhuroi edhe Arbnor Muçolli në Danimarkë me ekipin e Vejles.

Minuta pati edhe për futbollistët e tjerë të Kombëtares, si Qazim Laçi, Odise Roshi, Nedim Bajrami, Enis Çokaj, Amir Abrashi, Marash Kumbulla dhe Berat Gjimshiti. Ky i fundit la fushën pas 44 minutash lojë, për shkak të një dëmtimi që pësoi në takimin Napoli-Atalanta.





Lajmet e fundit nga