web counter
LEXO PA REKLAMA!

SHKARKO APP

App Store
Google Play

E fundit!

x

Gjermania debuton sot në Botëror, Flik: Ia dalim, arma jonë më e fortë është…

23 Nëntor 2022, 09:34, Sport CNA

Gjermania debuton sot në Botëror, Flik: Ia dalim, arma jonë

Gjermania do ta nisë rrugëtimin e saj në Botërorin “Katar 2002” ndaj Japonisë me mision të qartë, rikthimin te triumfi pas 8 vitesh heshtjeje në arenën botërore të futbollit. Hansi Flik ka kryer detyrën e zakonshme përpara duelit në fjalë duke u ndalur në pika të caktuara, aty ku vëmendja më e madhe u përqendrua tek objektivat në Kupën e Botës dhe kundërshtari në letër.

SHPRESAT PËR TITULLIN- "Ky është objektivi ynë, kurorëzimi. Jam i lumtur nga seancat e fundit përgatitore. Grupi ka treguar përkushtim dhe paraqitje të mira, faktorë pozitivë për të besuar se mund t’ia dalim të rikthejmë trofeun në shtëpi. Tashmë është koha të tregojmë se çfarë jemi të aftë të bëjmë në fushën e blertë”, citonte me nota të larta optimizmi Hansi.

DIVERSITETI NË EKIP– "Është e vërtetë se kombëtarja ka diversitet në përbërjen e saj dhe ky element pa diskutim duhet të menaxhohet deri në detajin më të vogël. Shfrytëzimi i çdo aseti krijon një luks për çdo trajner, pasi futbollistët prezantojnë nga një repertor të veçantë dhe të rëndësishëm në komunikimin me sferën brenda katërkëndëshit të blertë. Duhet ta pranojmë se Gjermania e ka trashëguar edhe më përpara këtë element, i cili po merr konotacion identifikues në të”, nënvizoi 57-vjeçari.

KUNDËRSHTARI- "Japonia prezanton një futboll shumë interesant, jo vetëm në planin vizual për tifozët, por edhe në atë taktik dhe shumë të vështirë ndaj palës kundërshtare. Metodologjia e mbrojtjes dhe kundërsulmi janë pikat strategjike që ata do të përpiqen t’i vendosin në funksion gjatë përballjes së sotme. Gjithsesi, ne i kemi marrë masat, pavarësisht rrethanave që mund të krijohen në episode të caktuara. Mjafton shembulli i Argjentinës për të kuptuar se në një kompeticion të tillë asgjë nuk është e lehtë dhe nuk duhet të llogaritet si e tillë. Shkurt, askush nuk duhet të nënvlerësohet, pasi fundi nuk do të jetë ai i dëshiruari”.

REAGIMI NDAJ “SHIRITIT”- "I gjithë qëllimi ynë është pozitiv, dhënia e një mesazhi sensibilizues. Më pas FIFA doli me njoftimin se nëse ata nuk i binden urdhrit do të ndëshkoheshin me penalitet e deri në përjashtim nga turneu. Mendoj se është turp që të drejtat e njeriut nuk mund të manifestohen, aq më pak kur nuk kërcënojnë apo prekin askënd”, përfundoi “Bundestrajner” (i cilësuar nga mediat vendëse).

 





Lajmet e fundit nga