web counter
LEXO PA REKLAMA!

SHKARKO APP

App Store
Google Play

E fundit!

x

Fitorja vjen me pasoja, Liverpuli humbet sulmuesin

19 Shkurt 2023, 14:45, Sport CNA

Liverpuli ia doli të rikthehej te suksesi në Premier League teksa mposhti pa shumë vështirësi Njukasëllin me rezultatin 0-2. "The Reds" iu falën golave të Darwin Nunez dhe Cody Gakpo me dyshen që realizoi brenda shtatë minutave në pjesën e parë (10 dhe 17).

Megjithatë, trajneri Jurgen Klopp duket se nuk mund t’i gëzohet plotësisht suksesit duke qenë se sulmuesi Nunez u largua nga fusha në minutën e 59-të pas një shqetësimi në shpatull. Tekniku gjerman e pranoi pas ndeshjes se uruguaiani vuan një problem dhe se është në dyshim për ndeshjen e Champions League ndaj Real Madridit.

“Lajmi i keq është se Nunez vuan një problem në shpatull dhe se duhet të shohim e të presim për të pasur një pasqyrë më të qartë rreth dëmtimit të tij. Duhej ta zëvendësoja pasi e kishte të pamundur për të vazhduar.

Nuk di çfarë të them në këtë moment pasi Nunez ndien dhimbje. Shpresoj që të jetë një dhimbje që do të kalojë dhe të mos ketë asgjë serioze. Ndeshja tjetër është ndaj Real Madridit dhe shpresoj të jemi në gjendjen më të mirë të mundshme”, u shpreh Klopp.





Lajmet e fundit nga