E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Çështja “Negreira”, grabitet dhe gjobitet gjyqtarja që do të marrë vendimin ndaj Barçës

16 Mars 2023, 16:00, Sport CNA

E diela mund të jetë ditë pushimi për shumicën e të punësuarve, por jo për profesionin e gjykatësve, të cilët edhe sikur të mos jenë të angazhuar në seancat normale, janë të ftuar të bëjnë vlerësime të dosjeve dhe kalojnë shumë orë në ambientet e punës.

Dhe në rastin e Silvia Lopez Mehias, gjykatëses që do të vendosë për çështjen “Negreira”, e cila lidhet me ryshfetin e zbuluar të katalanasve ndaj ish-kreut të arbitrave ndër vite, e diela raportohet se ka qenë një ditë shumë e zënë dhe në momentin kur ajo ka vendosur që t’i drejtohet shtëpisë së saj për t’u qetësuar, ka marrë një lajm shumë të keq. Madje, që do të kishte qenë një pasdite e shëmtuar, raporton “El Confidencial”, do të kuptohej që gjatë rrugës së kthimit, teksa ajo është ndalur në rrugë nga policia e Barcelonës (“Los Mossos”) dhe është gjobitur me 150 euro.

Arsyeja ka qenë kundërshtimi i forcave të rendit, ndonëse këta të fundit janë mbrojtur dhe në raportin e policisë shkruhet se ata kanë marrë masën administrative ndaj gjykatëses, pasi ajo i pati kërcënuar: “Shpresoj shumë që të shoh ndonjë patrullë tuajën përpara gjykatës sime…”

Por ndërkohë tensioni do të bëhej edhe më i madh kur ajo të hynte në shtëpinë e saj dhe të kuptonte se banesa sapo ishte bastisur nga hajdutët. Nëse për momentin nuk është se janë raportuar sendet e grabitura dhe vlera e tyre, shumë media në Spanjë e kanë lidhur këtë sulm me çështjen që ajo do të ketë në gjykim kundër klubit të Barcelonës.

Sigurisht që deri tani nuk ka asgjë më tepër sesa thjesht lajmi i kësaj grabitjeje të ndodhur, por në ditët në vazhdim, pasi policia të bëjë vlerësimet e saj, mund të mësohet më qartë nëse ky sulm ndaj gjykatëses mund të ketë qenë edhe një hakmarrje, apo një tentativë për ta frikësuar, në pritje të vendimit që ajo do të marrë për çështjen “Negreira”.