web counter
LEXO PA REKLAMA!

SHKARKO APP

App Store
Google Play

E kërkuan me ngulm, transferimi i bujshëm i Partizanit del jashtë planeve të trajnerit

5 Tetor 2022, 14:34, Sport CNA

Gjatë merkatos së verës qendra e mbrojtjes së Partizanit iu nënshtrua disa ndryshimeve të rëndësishme. Nga skuadra u largua një lojtar si Damçevski, gjithashtu Sembene nuk po luan më me ekipin e parë.

Gjithsesi, Belica ishte largimi për të cilin u përfol shumë dhe që nisi lëvizje me efekt domino. Largimit të planifikuar të Belicës drejtuesit i paraprinë me transferimin e Jozef Menish.

Sllovaku erdhi me mjaft bujë pasi ka një CV mjaft të pasur dhe është 27 vjeç, që konsiderohet si mosha, kur një futbollist arrin kulmin e tij.

Por sinjalet e Menish në stërvitje dhe në ndeshjet e para miqësore nuk i ngrohën sa duhet drejtuesit, të cilët të ndihmuar edhe nga situata e merkatos, firmosën me Marçelino Prekën.

Mbrojtësi, i cili u mor për të shërbyer për të tashmen, por më së shumti edhe për të ardhmen u ble për 60 mijë euro nga Bylisi, plus huazimin e Aldo Teqjes në Ballsh.

PROBLEMET – Cilësitë e 19-vjeçarit janë të padiskutueshme, por nuk mund të themi të njëjtën gjë për gjendjen fizike të tij. Ai vuan nga një problem muskulor në rrëzat e kofshëve, çka e ka shqetësuar në gjithë muajin e kaluar dhe nuk e ka lejuar të debutojë. Fatmirësisht në stërvitjen e djeshme ai ishte pjesë e ekipit dhe mbetet të shihet se sa gati do të jetë për Vllazninë, pasi nuk luan prej shumë kohësh.





Lajmet e fundit nga