web counter
LEXO PA REKLAMA!

SHKARKO APP

App Store
Google Play

“E ka mbushur shtëpinë me fotot me Messin”, si ia rrëmbeu Argjentina Spanjës talentin e Man. United

17 Mars 2023, 12:31, Sport CNA

“E ka mbushur shtëpinë me fotot me Messin”, si ia

Alejandro Garnacho, 18-vjeçari nga Madridi, të cilin Argjentina e “rrëmbeu” nga Spanja, konsiderohet zbulimi i madh i Manchester United këtë sezon.

Futbollisti premtues spanjollo-argjentinas, i cili ka veshur fanellën e “La Rojas” në përfaqësueset e moshave, në fund zgjodhi të përfaqësonte Argjentinën.

Garnacho, i cili dëmtoi kyçin e djathtë kundër Southamptonit, nuk do të jetë në gjendje të debutojë për Argjentinën në miqësoret e ardhshme.

“Është e vështirë ta përshkruaj me fjalë se si ndihem në këtë moment. Jam i zhgënjyer që humba mundësinë për të qenë me shokët e mi në kombëtaren e Argjentinës, në atë që do të kishte qenë një moment i madh krenarie për mua dhe familjen time”, shpjegoi adoleshenti i rritur në Madrid, i cili nënshkroi për Manchester United nga Atlético e Madridit në vitin 2020.

Bernardo Romeo, koordinator i ekipeve të të rinjve të Argjentinës, zbuloi se Alejandro Garnacho “ishte thirrur nga koordinatori i ekipeve të Spanjës”.

“Alejandro Garnacho ishte shumë i qartë, më tha se iu përgjigj për respekt, por ai ka vendosur të luajë për Argjentinën”, – shpjegoi Romeo.

Alejandro Garnacho (ka lindur në Spanjë dhe e ka nënën argjentinase) është shumë i bindur për të luajtur për Kombëtaren e Argjentinës. Ai ka të gjitha fotot me Messin në shtëpinë e tij”.





Lajmet e fundit nga