web counter
LEXO PA REKLAMA!

SHKARKO APP

App Store
Google Play

E fundit!

x

E ardhmja e Eros Grezdës, futbollisti i Kombëtares “niset” drejt kryeqytetit

9 Qershor 2023, 09:04, Sport CNA

E ardhmja e Eros Grezdës, futbollisti i Kombëtares “niset”

Partizani këmbëngul për një sulmues krahu dhe karakteristikat e Eros Grezdës duket se pëmbushin kërkesat e drejtuesve. Edhe pse mungon zyrtarizimi i trajnerit të ri, me Zoran Zekic që duket shumë pranë, operacioni “Grezda” nis të bëhet më i lehtë.

Trajneri kroat dhe sulmuesi i Kombëtares njihen mes tyre që në kohën kur Zekic drejtonte Osijekun dhe Grezda shkëlqente në Kroaci. Dyshja kanë pasur një marrëdhënie të mirë mes tyre dhe diçka e tillë me shumë gjasa pritet të reflektohet edhe te Partizani.

Drejtuesit nuk kanë arritur ende marrëveshjen me ndonjë lojtar, pasi presin të mësojnë edhe dëshirat e trajnerit kroat, me këtë të fundit që nëse arrin te Partizani do të bëhet “shkes” për të realizuar “ëndrrën” e të kuqve.

28-vjeçari është një dëshirë e vjetër e drejtuesve që në këtë sezon duket më afër se kurrë. Pjesëmarrja e Partizanit në Champions League tundon lojtarin t’u bashkohet pasi synon që të promovohet në kompeticionet europiane për të bërë një tjetër hap në karrierën e tij futbollistike, pasi te skuadra e Zalaegerszegi TE FC në këtë sezon i ka pasur minutat e numëruara.

Kontrata aktuale i përfundon në fund të qershorit dhe kjo mund të bëjë që gjakovari të veshë fanellën e kuqe për ta “shfrytëzuar” si një trampolinë për të ardhmen.





Lajmet e fundit nga