web counter
LEXO PA REKLAMA!

SHKARKO APP

App Store
Google Play

E fundit!

x

Dikur pjesë e Partizanit, “luftëtari” i Kombëtares mbërrin në Serie A

4 Gusht 2023, 10:44, Sport CNA

Ylber Ramadani është shqiptari i radhës që do të luajë në Serie A. “Luftëtari” i mesfushës së kombëtares shqiptare, zhvilloi një sezon shumë të mirë në aspektin personal në Skoci me Aberdeen.

Duke u shndërruar në një nga të preferuarit e tifozëve për shkak të stilit energjik dhe luftarak të lojës, dëshirës së madhe për të bërë mirë dhe dueleve të fituara me kundërshtarët.

Performancat pozitive të 27-vjeçarit ranë në syrin e Corvinos, drejtorit teknik të klubit të Serie A, ndërkohë që në garë për Ramadanin u fut edhe Hellas Verona.

Por, lojtari dardan ka zgjedhur Leccen. Italianët kanë arritur akordin me homologët e Aberdeenit për 1.2 milionë euro. Ndërkohë që klubi skocez do të mbajë 10% të kartonit të mesfushorit shqiptar.

Ramadani do të firmosë një kontratë 3-vjeçare me Leccen, nga e cila do të përfitojë 500 mijë euro në sezon. Tek ekipi i ri gjen Kastrioti Dermakun, me të cilin kanë luajtur së bashku te Shqipëria.

Pesë vite më parë debutoi me kombëtaren kuqezi Ramadani. Deri tani numëron 27 ndeshje dhe një gol. Më parë ka luajtur edhe me skuadra si MTK Budapest (Hungari), Vejle (Danimarkë), Partizani (Shqipëri) dhe Drita, Prishtina dhe Ferizaj në Kosovë.

Ramadani ka kryer testet mjekësore gjatë ditës së enjte dhe sot pritet zyrtarizimi i tij si futbollisti më i ri i Lecces.





Lajmet e fundit nga