web counter
LEXO PA REKLAMA!

SHKARKO APP

App Store
Google Play

Derbi ndaj Tiranës, ja formacioni i mundshëm i Partizanit

12 Maj 2023, 15:27, Sport CNA
Derbi ndaj Tiranës, ja formacioni i mundshëm i Partizanit
Partizani

Derbi i kryeqytetit vijon të jetë kryefjalë e çdo medie sportive në vend. Përballja Tirana – Partizani që do të luhet të mërkurën e ardhshme, padyshim do të vendosë shumë për fatet e kampionatit. Të kuqtë po stërviten intensivisht dhe objektivi i vetëm është vetëm fitorja. 2 pikë pas bardhebluve duhen rikuperuar në mënyrë që fati për titullin kampion të varet vetëm nga këmbët e tyre.

Prej ditësh, 16 herë kampionët e vendit kanë nisur stërvitjen intensive nën drejtimin e trajnerit Giovani Colella. Trajneri italian i ka idetë e qarta dhe në 3 përballje derbi, 2 i ka fituar. Edhe pse ende shumë larg, me gjasë Partizani do të zbresë në fushë me formacionin 3-5-2.

Në portë pritet të jetë Rexhepi, ndërsa para tij treshja Telushi – Sota – Preka. Krahët do të përbëhen nga Hadroj në të djathtë dhe Atanaskoski majtas. Mesi i fushës është “blinduar” nga Rrapaj, Matondo dhe Murataj. Ndërkohë në majën e sulmit dyshja Mba dhe Da Silva. Kjo sfidë është programuar të zhvillohet të mërkurën në orën 18:30, në stadiumin “Air Albania”, në kryeqytet.

FORMACIONI I MUNDSHËM:

Rexhepi, Hadroj – Telushi – Sota – Preka- Atanaskoski, Rrapaj – Matondo – Murataj, Mba – Da Silva





Lajmet e fundit nga