E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Derbi me Partizanin, Shehi: Lojtarët mezi e presin këtë përballje

20 Dhjetor 2022, 13:12, Sport CNA

Tirana pret në “Air Albania” Partizanin për të zhvillua mes tyre dhe derbin e kryeqytetit, në një sfidë që nis në orën 20:00 dhe që premton spektakël në fushën e lojës dhe në shkallët e stadiumit, pasi vetë historia mes dy ekipeve të kryeqytetit e thotë diçka të tillë.

Në prag të kësaj sfide në konferencën për shtyp ka qenë i pranishëm tekniku i bardhebluve, Orges Shehi, i cili ka analizuar derbin, ndërsa “qan” formën jo shumë të mirë të disa lojtarëve.

“Derbi është derbi dhe është një ndeshje e veçantë e kampionatit tonë. Ne do të shohim se çfarë do të bëhet nesër, sepse javë pas jave dalim para të gjithë njerëzve dhe do të jemi si në provim. Duhet të ndryshojmë shumë gjëra nga ndeshja e fundit, më e rëndësishme është ndryshimi, sepse derbi ta imponon vetë, trajnerët nuk kanë nevojë të mobilizojnë futbollistët.

Jemi munduar që të rikuperojmë lojtarët e dëmtuar, kemi edhe ne dyshimet tona se kë lojtar do të hedhim në fushë pasi jo të gjithë janë në gjendje të mirë. Duhet të presim deri nesër për të vendosur.

Në derbi nuk ka asgjë rendësi se çfarë është bërë, është një ndeshje që kur njerëzit janë në fushë udhëhiqen nga emocionet dhe mendoj se kjo është arma më e fortë e të gjitha skuadrave dhe ti marrin nën kontroll.

Çdokush ka pikët e forta dhe të dobëta, ka mënyrën e vet si e interpreton ndeshjen dhe krijojmë një ide sepse derbi ta imponon vetë adrenalinën. Kemi gjërat e qarta, çdo skuadër ka një panoramë të qartë përballë skuadrave që luan. Nuk mendoj që klasifikimi ndikon pas ka ende shumë javë përpara, nuk ka mbaruar as gjysma, edhe pse çdo kush në ndeshjen e ardhshme do të shkojë me mentalitet se ka luajtur shumë mirë sfidën e kaluar, por kërkon të përmirësohet.

Ajo që mund të na japë fusha nesër e kuptojmë qartë çfarë është bërë dhe çfarë jo, sepse të flasësh para derbit janë gjëra të kota. Unë kam lojtarë të përgjegjshëm që dinë të vlerësojnë dhe e dinë shumë mirë, pas bisedimeve që patëm pas sfidës ata e dinë që nuk kanë qenë në 100% e tyre, me zor e presim derbin”, ka thënë Shehi.