web counter
LEXO PA REKLAMA!

SHKARKO APP

App Store
Google Play

"Boom boom" Uzuni, futbollisti shqiptar shënon tre gola në kampionat

29 Gusht 2022, 23:37, Sport CNA

Myrto Uzuni udhëheq Granadën në suksesin e tretë të kampionatit teksa mposhtën Villareal B me rezultatin 3-0. Të tre golat e sfidës u shënuan nga ana e sulmuesit të Kombëtares, i cili në fakt hapi shumë shpejt llogaritë e takimit. Që në minutën e parë, beratasi konkretizoi një asist të Jose Maria Callejon, ndërsa edhe pas konfirmimit të VAR-it, goli u konsiderua i rregullt.

Pas dhjetë minutave lojë, sërish Uzuni që bëhet protagonist. Këtë herë ish-lojtari i Ferencvaroshit fiton një 11-metërsh pasi kalon portierin, ndërsa e merr vetë përgjegjësinë e ekzekutimit dhe në fakt nuk gabon duke dërguar rezultatin në shifrat 2-0.

Po në pjesën e parë të lojës, Uzuni pati edhe një tjetër shans për të shënuar tripletën, teksa lëvizi mirë në zonë, por nuk pati shënjestrën e duhur në fund.

Gjithsesi, në fraksionin e dytë, do të vinte edhe goli i tretë për lojtarin shqiptar që shënoi një tjetër penallti. Në fund, festa me të dashurën e tij që kishte ardhur për ta ndjekur nga shkallët e stadiumit.

Granada triumfoi me rezultatin e pastër 3-0 falë liderit Uzuni, teksa për sulmuesin ishte goli numër katër në tri ndeshje të Segunda Division. Me tri fitore në tri ndeshje, Granada mban vendin e parë të klasifikimit, ndërsa synon të ngjitet menjëherë në elitë sezonin e ardhshëm. 





Lajmet e fundit nga