web counter
LEXO PA REKLAMA!

SHKARKO APP

App Store
Google Play

Bledar Devolli: Me Egnatian dukej si ndeshje Kategorisë së Dytë, rezultatin e di ai lart

29 Mars 2024, 17:27, Sport CNA

Trajneri i Kukësit, Bledar Devolli, foli pas ndeshjes ku skuadra e tij u mposht minimalisht nga Egnatia.

Devolli deklaroi se skuadra e tij duhet të ndryshojë fytyrë, ndërsa shtoi se sot ishin të vegjël në fushë. Sipas tij, ndeshja dukej si në Kategorinë e Dytë, referuar mungesave.

"Humbja është gjithmonë e dhimbshme. Ajo që nuk më pëlqeu sot ishte që u bëmë shumë të vegjël, nuk mbajtëm era skuadër. Nuk sakrifikuam dhe nuk bëmë ato të ndeshjeve të kaluara. E kishim përgatitur ndeshjen ndryshe. Ndoshta edhe goli i shpejtë na bëri që të biem nga ana psikologjike. As dëshirë nuk pashë sot, se rregull nuk kishte sot është e sigurt. Duhet të ndryshojmë fytyrë duke filluar nga ndeshja e Kupës. Besojmë të mbijetesa. Presim të na kthehet ndonjë futbollist këtë javë pasi kemi mungesa. Që nga nesër nisim punën me seriozitet me detyra dhe rregulla pasi pastaj bëhesh i vogël.

Salamin e nxorëm, por lëvizjet e tjera nuk ishin ato që punojmë me kombinime. Nuk funksionoi. Nuk ishte lojë efektive, nuk ka mundësi. Ndeshje e Superligës që dukej si e Kategorisë së Dytë, vetëm shtrirje dhe vonesa.

Ne do ja bëjmë hyzmetin edhe Kupës dhe mbijetesës. Do eliminojmë gabimet që kemi bërë. Dua dëshirë dhe agresivitet në fushën e lojës. Kjo më mërzit më shumë. Rezultatin e di ai lart, nuk e dimë ne. Ne kemi në dorë të bëjmë gjërat drejtë. Kjo më mërziti më shumë sot pasi nuk i bëmë gjërat drejtë.", tha Devolli per MCN. 





Lajmet e fundit nga