web counter
LEXO PA REKLAMA!

SHKARKO APP

App Store
Google Play

E fundit!

x

Asllani po fiton terren te Interi, Inzagi e planifikon si… regjisor

29 Korrik 2023, 10:28, Sport CNA

Një nga lajmet në “shtëpinë” e Inter it është largimi i Danilo D’Ambrozios. Mbrojtësi është kujdesur shumë për Kristjan Asllanin në vitin e parë të shqiptarit në Milano. Në shenjë falënderimi, mesfushori i Kombëtares i ka kushtuar edhe një postim në profilin personal në “Instagram” duke i thënë: “Një faleminderit vlen sa për 1000 fjalë”. Miqësia mes tyre, tashmë i lë vend fushës ku mund të takohen së shpejti si kundërshtarë pasi D’Ambrozio mund të përfundojë te Monza që është kundërshtari i parë në kampionat për të besuarit e Simone Inzagit.

ECURIA E ASLLANIT – Ndërkohë, Kristjani duket se po fiton ende më shumë vend brenda grupit zikaltër. Ardhja e Fratezit duket se nuk do të ndikojë edhe aq shumë. Të paktën në këtë fillimsezoni. Inzagi po bën rrotacione dhe eksperimente, e në këto e sheh shqiptarin si regjisor përpara mbrojtjes. Kjo u pa edhe ndaj Al-Nasrit ku mesfushori u përdor në vend të Çalhanoglusë. Edhe me të në fushë, skuadra ishte konstante dhe krijoi shumë, por shënjestra nuk është ajo që nevojitet. Ndikojnë ngarkesat e marra në stërvitje dhe vapa masakruese në Japoni për të cilën ankohen të gjithë.

Edhe Asllani kërkoi lavdinë ndaj skuadrës së Ronaldos, por goditja e tij nuk pati saktësinë e duhur për të gjetur rrjetën. Duhet thënë se me shqiptarin në fushë, Interi ishte disi më i ekuilibruar, por nevojiten teste të tjera (ndaj PSG-së të martën dhe Salcburgu më 9 gusht) për të kuptuar më mirë hapësirën që mund të ketë djaloshi shqiptar në sezonin e ri.

 





Lajmet e fundit nga