web counter
LEXO PA REKLAMA!

SHKARKO APP

App Store
Google Play

E fundit!

x

22 gola në 23 takime, Leva “kalon” Mesin që në start

22 Janar 2023, 09:52, Sport CNA

Barcelona ka siguruar një vend në çerekfinalet e Kupë së Mbretit, ku do të përballet me Sociedadin. Katalanasit mundën Seutën 0-5, ku protagonist ishte i zakonshmi Robert Levandovski me 2 gola. Tashmë ai ka shënuar në të katër kompeticionet ku ka luajtur me Barcelonën dhe është në rrugën e duhur për të thyer shifrat e Leo Mesit në dy sezonet e fundit të argjentinasit me klubin “Blaugrana”.

Falë dy golave të shënuar kundër Seutës në Kupën e Mbretit, polaku i ka çuar në 22 golat e realizuar në këtë sezon me Barçën në 23 takime të luajtura. Mesatarja realizuese e tij është 0.96 gola për ndeshje.

Nëse ai vijon me këto ritme deri në fund të sezonit, me siguri që do të arrijë të thyejë rekorde të tjera dhe do të arrijë të kalojë dhe një si Leo Mesi.

Në sezonin e tij të fundit me Barcelonën (2020- 2021), Mesi arriti të shënonte 38 gola në 47 takime me një mesatare prej 0.81 golash për ndeshje.

Në sezonin e parafundit (2019-2020), “Pleshti” shënoi 31 gola në 44 takime, me një mesatare 0.7 gola për takim. Golat e numrit 9 aktual të Barcelonës janë një siguri për katalanasit. 22 golat ai i ka shënuar 14 takime.

Nga këto ndeshje, Barcelona ka fituar 13 prej tyre, teksa ka barazuar vetëm një ndeshje, atë ndaj Interit në Ligën e Kampioneve.





Lajmet e fundit nga