web counter
LEXO PA REKLAMA!

SHKARKO APP

App Store
Google Play

“Papunësia u rrit me 40%”/ BSPSH: Qeveria duhet të reagojë për pagat dhe pensionet

20 Gusht 2025, 16:12, Sociale CNA

“Papunësia u rrit me 40%”/ BSPSH: Qeveria duhet të

Duke parë gjendjen e vështirë ekonomike në pesë bashkitë e Qarkut Shkodër, Bashkimi i Sindikatave të Pavarura Shqiptare, dega Shkodër, ka dalë këtë të mërkurë në një deklaratë për mediat. Kreu i saj, Albert Tuka, tha se papunësia është rritur me 40%, ndërsa turizmi ka dështuar. Tuka shtoi se fuqia blerëse ka rënë, ndërsa kërkoi që kryeministri të kthejë vëmendjen nga Shkodra. Sipas tij, punëtorët nuk paguhen për orët shtesë dhe kërcënohen për t'i zëvendësuar me punonjës nga Bangladeshi.

“Jemi të shqetësuar për gjendjen e vështirë social-ekonomike të Qarkut Shkodër. Papunësia është rritur në nivelin 40%. Shumë punë po mbyllën për shkak të politikave të gabuara shtetërore. Sot bizneset po falimentojnë. Tu merren pensionistëve sigurimet shoqërore dhe është e pafalshme. I bëjmë thirrje kryeminisrit të kthejë sytë nga Shkodra sepse varfëria është shtuar. Sindikatat na informojnë se punëtorët punojnë jashtë orarit dhe nuk paguhen. Shkodra me pesë bashkitë e saj është në kolaps”,-tha Kryetar i BSPSH Shkodër, Albert Tuka.

Ndërsa, Kryetari i Sindikatës së Shëndetësisë Shkodër, Paolo Kaceri, kërkoi që punonjësit të kenë pagë më dinjitoze, pasi punojnë në kushte skandaloze që ka shëndetësia shqiptare. Për Kacerin, korrupsioni ka arritur majat, ndërsa populli është shtypur.

“Punonjësit e shëndetësisë janë heronj në keto kushte mizerje që ka shëndetësia në vendin tonë. Ne kërkojmë përmirësim të kushteve të punës dhe rritje të pagave. Kudo në Europë, populli proteston për të drejtat e veta, vetëm tek ne populli është shtypur. Por, problematikat janë të jashtëzakonshme”,-tha Kryetar i Sindikatës së Shëndetësisë Shkodër, Paolo Kaceri.

Përfaqësuesit e sindikatave shprehen të shqetësuar se Qeveria nuk rriti as pagën minimale dhe as pensionet. Ata kanë paralajmëruar protesta, nëse institucionet nuk reagojnë./CNA





Lajmet e fundit nga