web counter
LEXO PA REKLAMA!

SHKARKO APP

App Store
Google Play

E fundit!

x

Mbyllen aplikimet në bujqësi/ 11 prilli afati i fundit për fermerët, ndahen 30 mln €

10 Prill 2023, 15:31, Sociale CNA

Mbyllen aplikimet në bujqësi/ 11 prilli afati i fundit për

Fermerët në të gjithë vendin kanë pasur 3 javë kohë për të përfituar 30 milionë euro nga subvencionet e qeverisë. 11 prilli shënon ditën e fundit të aplikimeve, ndërsa këtë vit është parë një interes i lartë nga ana e tyre.

11 prilli është afati i fundit i aplikimeve për subvencione në Bujqësi. Qeveria garanton 30 milionë euro këtë vit për mbështetjen e fermerëve, blegtorëve dhe peshkatarëve.

Plani rezultoi me një interesim shumë të lartë nga ana e fermerëve që aplikuan përmes portalit e-albania. Shifrat e plota nuk janë bërë ende publike nga Agjencia për Zhvillim Bujqësor dhe Rural, por "Euronews Albania" mëson se vetëm në qarkun e Korçës kanë aplikuar 12 mijë fermerë, nga të cilët 90% kanë kërkuar naftë falas.

Në të gjithë vendin për skemën e naftës falas janë vënë në dispozicion 12 milionë euro, ku për të tretën herë në radhë, fermerët do ta përfitojnë atë, duke reduktuar kështu kostot e shumta të aktivitetit të tyre prodhues.

Ministia e Bujqësisë hartoi 9 masa mbështetëse përfshirë dhe sektorin e bletërritësve, fermat e serave si dhe fermat organike. Subvencionet këtë vit do të shpërndahen edhe për të interesuarit në ndërtimin e tregjeve të reja bujqësore dhe blegtorale./ Euronews Albania





Lajmet e fundit nga