web counter
LEXO PA REKLAMA!

SHKARKO APP

App Store
Google Play

E fundit!

x

Firmoset urdhëri/ Të gjithë mësuesit do ti nënshtrohen vlerësimit psiko-social

28 Qershor 2022, 17:12, Sociale CNA
Firmoset urdhëri/ Të gjithë mësuesit do ti nënshtrohen
Foto ilustruese

Mësuesit, edukatorët dhe të gjithë ata që punojnë në institucionet arsimore parauniversitare në vend do ti nënshtrohen vlerësimit psiko-social.

Ministrja e Arsimit Evis Kushi ka firmosur udhëzimin i cili është botuar në fletoren zyrtare.

Vlerësimi do të kryhet nga një komision i posaçëm që do të ngrihet me urdhër të drejtorit të zyrës vendore të arsimit.

Ai do të jetë i përkohshëm, do të përbëhet nga pesë anëtar ku përveç punonjësit të drejtorisë arsimore do të ketë dhe psikologë e punonjës social.

Vlerësimi psiko-social i punonjësve arsimor të punësuar për herë të parë shkruhet në dokument do të kryhet në fund të periudhës 3 -mujore.

Mësuesit  dhe edukatorët duhet të kalojnë provën brenda 15 ditësh. Në të kundërt institucioni arsimor merr masa deri në largimin e tyre nga puna.

Punonjësit kanë të drejtë të ankimojnë vendimin brenda tre ditësh.

Ata do ti nënshtrohen vlerësimit dhe në rast se në institucionin përkatës është depozituar një ankesë ndaj tyre.

Aktualisht në shkollat nëntë vjeçare dhe të mesme në vend ka rreth 33 mijë mësues./E.T-CNA.al





Lajmet e fundit nga