web counter
LEXO PA REKLAMA!

SHKARKO APP

App Store
Google Play

E fundit!

x

Eugena Tomini, këshilla qytetarëve/ Si të kujdesemi nga viruset në verë?

11 Qershor 2022, 21:13, Shëndeti CNA
Eugena Tomini, këshilla qytetarëve/ Si të kujdesemi nga viruset
Drejtoresha e Institutit për Shëndetin Publik, Eugena Tomini

Drejtoresha e Institutit për Shëndetin Publik, Eugena Tomini, ka dhënë këshilla për qytetarët, për mënyrën se si duhet të kujdesen nga viruset në verë.

Tomini tha se duhen respektuar oraret për daljen në oraret e të nxehtit dhe nuk duhet anashkaluar kujdesi ndaj ushqimit.

Ajo sugjeroi në emisionin “Kjo Javë” që qytetarët të mos konsumojmë ushqime të ndenjura jashtë kushteve të mirëmbajtjes.

“Sigurisht kujdesi është për të gjitha fashat e grupmoshave. Respektimi i orareve për daljen në oraret e të nxehtit. Duhet të dalim në oraret e mëngjesit, por edhe kujdesi ndaj ushqimit, që shoqërojnë me baktere çrregullime. Mos të konsumojmë ushqime të ndenjura jashtë kushteve të mirëmbajtjes. Edhe mosha pediatrike është shumë fleksbilël në periudhën e verës. Duhet të konsultohemi me mjekun pediatër dhe qendrat shëndetësore. S’duhet neglizhuar asnjë rast.

Më tepër tonalitetet janë bakteriale kryesisht, por mund të kemi dhe atë 'flu-light' që i themi ne rrufa që ka përvijuar nga vera. Bëhet një diferencë me rrufën stinore që përvijon nga pranvera. Duhet pasur vëmendje ndaj çrregullimeve diarreike. Kujdesi gjithmonë në kontekst me mjekun e familjes për moshën deri në 5 vjeç.

Sigurisht në sezonin e verës rehidrimi dhe marrja e lëngjeve të freskëta dhe zarzavateve është i rëndësishëm për të pasur një shëndet sa më të mirë. Të mos ruajmë dhe të mos përdorim ushqime të ditës së nesërme që nuk janë mbajtur në kushtet e duhura frigoferike. Disa mbetje të ushqimeve të gatuara një ditë më përpara mund të bëjnë kontaminim e produkteve të tjera në frigorifer. Kujdesi hidrik, larja dhe konsumi i i tyre në mënyrë sa më të shpejtë na privon nga çrregullimet gastro-ongostrinale”, theksoi drejtoresha e ISHP-së./ B.A. – CNA.al





Lajmet e fundit nga