web counter
LEXO PA REKLAMA!

SHKARKO APP

App Store
Google Play

E fundit!

x

Veliaj sulmon opozitën/ “E shohin Kamzën si depozitë për interesin e tyre”

4 Mars 2023, 18:43, Politikë CNA
Veliaj sulmon opozitën/ “E shohin Kamzën si depozitë
Kryetari i Bashkisë së Tiranës, Erion Veliaj

Kryetari i Bashkisë së Tiranës, Erion Veliaj ka zhvilluar një takim me strukturat e Partisë Socialiste në Kamëz, nga ku ka sulmuar kundërshtarët e tij politik.

Veliaj është shprehur se opozita e sheh Kamzën si depozitë për interesin e tyre, për vulën dhe për postin e tyre.

 “Po shikoja skenat e protestës së fundit, kur po vinte revolucioni në Tiranë, ishin nisur 10 makina nga Kamza, ca Range Rover dhe Mercedesë të tipit të fundit, dhe thashë: ‘Shih çfarë vizioni ka një parti për Kamzën!’. E sheh vetëm si depozitë makinash të shtrenjta, me xhirime gomash dhe mitingashë. Ky është vizioni i një partie që ka qeverisur Shqipërinë gjatë gjysmës së tranzicionit. Ndërkohë, vizioni i Rakipit dhe PS për Kamzën ka qenë promovimi si në një familje. Nuk i bëjmë dot të gjitha! Edhe në një shtëpi mund të ketë shumë dëshira, por ti thua, të vegjëlve s’do u lëmë gjë mangët, dhe me punën që është bërë me çerdhet, kopshtet, shkollat e Kamzës, Rakipi nuk i ka lënë gjë mangët fëmijëve.

Do jetojmë për disa njerëz që kanë pasur mundësi t’i shërbejnë Kamzës e Shqipërisë dhe vazhdojnë e trajtojnë Kamzën e Shqipërinë vetëm si depozitë për interesin e tyre, për vulën, për postin e tyre? Po të ‘thereshin’ ata, siç ‘theren’ për vulën edhe për arsimin, për promovimin e gruas në shoqëri, për emancipimin; të ‘thereshin’ siç ‘theren’ për selinë, edhe për çerdhet, kopshtet, shkollat; të ‘thereshin’ kështu edhe për transportin publik, siç ‘theren’ për Range dhe Mercedesët e tyre, ky vend do të ishte bërë që kur e kishin ata në dorë. Por, qartazi ata na provuan se edhe kur e kishin në dorë, edhe tani, shohin vetëm interesin e tyre. Thirrja për çdo demokrat në Kamzë është: Nuk e duam për dhëndër Rakipin! Nuk e duam për krushqi Rakipin! E duam që ta ngarkojmë me punë, që të vazhdojë t’i mbarojë të gjitha shkollat, të gjitha shtëpitë, parqet, shesh-pushimet e pallateve, të gjitha projektet”, është shprehur Veliaj./ CNA.al





Lajmet e fundit nga