web counter
LEXO PA REKLAMA!

SHKARKO APP

App Store
Google Play

E fundit!

x

"Rama e ka bërë foltoren tualet të gojës së tij"/ Berisha ashpërson tonet, paralajmëron zhvillime dramtatike

22 Dhjetor 2022, 20:50, Politikë CNA

"Rama e ka bërë foltoren tualet të gojës së

Kreu i Partisë Sali Berisha pas tensioneve mes Ramës dhe disa prej deputetëve opozitarë, ka ashpërsuar tonet në Kuvend, duke u shprehur se nëse kryeministri vijon të ofendojë opozitën, do të ketë zhvillime të paparashikueshme.

Gjatë fjalës së tij, Berisha iu drejtua kryetares së seancës, Ermonela Felaj, që të drejtojë sipas rregullave seancën, dhe t’i japë fund tolerancës ndaj fjalorit të kryeministrit, pasi këto tensione mund të shndërrohen në konflikte serioze.

“Ligji që diskutohet ka vetëm një qëllim, të vjedhë kryevjedhësi i vendit. Zonja kryetare ju po e çoni parlamentin në çdo aspekt ndaj katastrofës, drejt konfliktit të pashmangshëm, kreu i juaj dhe në shkelje të çdo kodi të çdo morali, të çdo etike, shpërthen në një fjalor të padenjë, unë të garantoj që parlamenti do ketë zhvillime dramatike të paparashikueshme. Ju e lejoni atë të shfryjë si ordiner, kundër deputetëve të opozitës. Unë e kuptoj që ai është brutal dhe i dhunshëm, në mbledhjet e qeverisë, në takimet e  ngushta, por këto të gjitha janë brenda familjes tuaj. Kur shtrihen në opozitë, këto mund të bëhen shkak konfliktesh shumë serioze. Ndaj nëse do të drejtosh këtë parlament, duhet t’i japësh fund tolerancës ndaj një njeriu që përdor fjalorin më ordiner ndaj deputetëve dhe shndërron foltoren në një tualet të gojës së tij. Mos harroni se fjalori është i njëjtë për të gjithë, por kjo nuk është zgjidhja, zgjidhja është t’i mbyllësh gojën një ordineri që sa vjen këtu fillon e përdor një fjalor prej ordineri kundrejt deputetëve të opozitës.”- u shpreh ai./CNA.al





Lajmet e fundit nga