LEXO PA REKLAMA!

SHKARKO APP

App Store
Google Play

Protesta e 11 shkurtit/ PD depoziton kërkesën në Polici

9 Shkurt 2023, 13:22, Politikë CNA

Protesta e 11 shkurtit/ PD depoziton kërkesën në Polici

Partia Demokratike ka depozituar në Policinë e Tiranës njoftimin për zhvillimin e një proteste më datën 11 shkurt, e cila do të mbahet para kryeministrisë.

Ashtu siç ishte paralajmëruar nga kreu i PD-së, Sali Berisha, protesta do të nisë në orën 12:00, por nuk dihet se sa do të zgjasë.

Në kërkesën  e dërguar në Polici, shkruhet se  se pjesmarrja në këtë protestë parashikohet të variojë nga 80 mijë në 100 mijë protestues.

 “Bazuar në ligjin 8773 datë 24.04.2021 “Për Tubimet”, Partia Demokratike e Shqipërisë do të organizojë në datë 11.02.2023, një tubim protestë në Tiranë për të kërkuar dorëheqjen e Kryeministrit të Shqipërisë pasi ka vënë në rrezik pluralizmin, votën e lirë dhe demokracinë. Tubimi do të mbahet në bulevardin Dëshmorët e Kombit, duke filluar nga ora 12:00.

Pjesëmarrja do të variojë 80 mijë deri në 100 mijë protestues. Protestuesit do të grumbullohen në selinë e Partisë Demokratike, sheshin Nënë Tereza dhe sheshin Skënderbej dhe do të lëvizin në drejtim të Bulevardit Dëshmorët e Kombit”.

Në njoftimin për protestën bëhet me dije gjithashtu se foltorja do të vendoset në bulevard përballë kryeministrisë dhe personat që do të flasin do të jenë drejtues të Partisë Demokratike dhe përfaqësues të Shoqërisë Civile./CNA.al

Protesta e 11 shkurtit/ PD depoziton kërkesën në Polici

Lajmet e fundit nga