web counter
LEXO PA REKLAMA!

SHKARKO APP

App Store
Google Play

E fundit!

x

KQZ ndaloi nxjerrjen e rezultatit të votimit elektronik/ Zëdhënësja e PS: Vendim arbitrar, rezultatin se ndryshon dot askush

11 Maj 2025, 21:27, Politikë CNA

KQZ ndaloi nxjerrjen e rezultatit të votimit elektronik/

Zëdhënësja e PS, Helena Kaçe me anë të një deklarate për mediat ka reaguar për vendimin e KQZ në lidhje me mosnxjerrjen e rezultateve të Vorës dhe Njësisë 10.

Kaçe tha se ky është një vendim arbitrar, por rezultatin nuk e ndryshon dot askush.

Më tej, zëdhënësja u bëri thirrje socialistëve të ruajnë qetësinë dhe t’u shmangen provokimeve.

“Mosnxjerrja e rezultateve të Vorës dhe Njësisë 10 nga KQZ, me një vendim arbitrar që bie ndesh me logjikën e votimit elektronik, me traditën e shpalljes menjëherë të rezultatit, si edhe me vetë arsyen e investimit jo të vogël që është bërë për infrastrukturën elektronike, është një vendim arbitrar, i gabuar dhe zhgënyes për rolin e KQZ si garant i Sovranit popull, e jo i nevojave taktike të partive politike. Jemi të keqardhur për këtë dhe u bëjmë thirrje Partisë Socialiste të Vorës si edhe mbështësve tanë në Vorë të ruajnë qetësinë.

Rezultati është në kuti dhe mos kini asnjë dyshim se asgjë dhe askush nuk e ndryshon dot atë. Ju jeni dallandyshja e parë e një fitoreje që do të jetë e paharrueshme në historinë e Partisë Socialiste. Urime, urime, urime!

Të gjithë socialistët e përfshirë në proces në të gjithë Shqipërinë duhet të ruajnë qetësinë, t’u shmangen provokimeve dhe të nxjerrin me durim fitoren nga kutitë ku populli Sovran ka kyçur vendimin e tij historik”, tha Kaçe./ CNA





Lajmet e fundit nga