web counter
LEXO PA REKLAMA!

SHKARKO APP

App Store
Google Play

E fundit!

x

Incidentet gjatë votimit/ Meta: PS po bën gjithçka për të prishur standardin e zgjedhjeve

11 Maj 2025, 21:48, Politikë CNA
Incidentet gjatë votimit/ Meta: PS po bën gjithçka për
Kryetari i PL-së, Ilir Meta

Kryetari i PL-së, Ilir Meta, ka reaguar për incidentet gjatë procesit të votimit në Vorë dhe në Tiranë.

Me anë të një deklarate për shtyp, Meta thotë se PS-ja po bën gjithçka për të prishur standardin e zgjedhjeve.

Ai deklaron se asgjë nuk e ndal dot fitoren dhe verdiktin e popullit, ndërsa paralajmëron një ndëshkim shumë të rëndë për rilindjen.

“Edhe në orët e fundit që Narkoshteti po jep shpirt, po bën gjithçka për të prishur standardin e zgjedhjeve.

Banditizmi elektoral i qëllimshëm dhe për orë të tëra në Vorë dhe kriminaliteti elektoral te zyra ilegale e “Rilindjes” në Tiranë, ku horrat që blinin vota ja mbathën vrapit dhe që u zbulua falë “Task Force” të Syri TV, si dhe mosreagimi i SPAK dhe gjithë insitucioneve që bënin paradë përbetimi për të parandaluar krimet zgjedhore, janë pasqyra e fytyrës së vërtetë kriminale të Edi Ramës.

Por asgjë nuk e ndal dot fitoren dhe verdiktin e popullit dhe një ndëshkim shumë i rëndë i pret banditët “rilindas”, shkatërrues të demokracisë.

Dua të falenderoj me mirënjohje të gjithë qytetarët, në veçanti ata që votuan Ndryshimin pavarësisht nga presioni dhe përpjekjet për frikësim sistematik.

Në këtë fazë të procesit zgjedhor, i ftoj të gjithë numëruesit për të ruajtur qetësinë, vendosmërinë dhe për të mbrojtur çdo votë për të garantuar FITOREN e pastër të koalicionit “PD-ASHM””, thekson Meta./ CNA





Lajmet e fundit nga